東隧加價聞煲了一個星期，大家在勞動節假期勞動勞動，開記者會、運輸局教統局高官呼籲、各路公共交通工具救援組織準備救架，報紙教定各位防塞車貼士。
點知，今晚的新聞報導，點點反高潮，分享到傳媒和壓力團體對是日交通情況的失望，於是在安坐巴士路徑銅鑼灣直達鴨脷洲的密斯李，聽了十分鐘紅隧無嚴重擠塞的新聞報告，無癮。
新聞網話︰
東隧加價 紅隧提早現車龍[07:37]
紅隧九龍入口交通暢順[08:47]
紅隧高峰期車流量減少[09:27]
紅隧10時後料有車流高峰[09:41]
市民遵照政府呼籲提早出門[10:56]
紅隧交通情況較預期理想[11:11]
所有公開試今早準時開考[11:28]
紅隧車流增加千二架次[11:56]
當局料下周隧道塞車高峰[17:33]
於是，新聞充斥說，只有一個會考生過渡擔心遲到而致電考試局，有巴士司機說竟比平日早了幾分鐘到站，有冬冬大聲疾呼往後幾日有排捱。新聞播放是日早上八時、下午三時及五時的路面情況，不覺與往日有什麼不同。
是日是港人集體製造新聞。車龍據聞提早半小時出現，很有理由相信因為上班上學人士響應政府呼籲早了出門，部份人亦改了搭地鐵。預設了期望，又怎能不將之實現﹖
冬冬指下星期黃金週過後，過境運輸回復常，才會出現車流高峰。是向東隧繼續施壓減價罷。
1. 曾司長做財政司最叻做咩﹖降低大家期望，之後比「驚喜」大家。衣次，一樣囉 (我唔係馬後炮架~)。
回覆刪除2. 有線 崔海山個節目入面，搵左 呂漢光講左d廢話；不過佢講既廢話，所有傳媒又唔覺 (或者唔想報導喇)。大意係﹕
2.1. 幾條隧道既替代效應好低。加小小價，唔會太多車主特登洩幾十蚊油錢而dou路唔行東隧行紅隧。
2.2. 政府講每日有幾千架車會轉行紅隧。記住，係每日。即係，當佢好平均，當d司機知紅隧塞車都要走埋去用佢，咁一個鐘，點多都唔會多成千架掛。咁，對塞車有幾大影響﹖
2.3. 佢衣d評論，其實好多人都知；不過，只怪既就係政府 (或者加埋傳媒) 所做既propaganda (或者係 crisis management喇) 太好喇。
3. 又當然，都係個句，如果傳媒可以好似 張文光咁無恥，話受 政府數據唔導 而作出無理要求/預測的話，咁no comment囉 (丫，衣度係純粹想鬧下張文光既jak)。
3.1. 又當然，(1) 如果要同情張文光，相信佢既幼稚又或者要體諒佢冇能力搵人手質疑政府數據，又或者 (2) 要好marxist咁講政府既強大的話，咁我就會話﹕
資本主義社會入面，政府對資訊既壟斷力，絕對令到所謂既民間社會無力反抗 (或者好難反抗喇)；而民主政治，更加只係掩蓋資本家利益壟斷/階級優勢 既神話囉。
4. 丫，離題，見諒~
雖然明知政府同大財團玩數字，但又吹佢唔脹，數字一向都你有你玩，佢有佢玩(係，我都係癈話…)，是一種手段。政府近年就係只做公關，不做實務，水份過高，巿民走佬…(幾壓韻，無辦法，工作壓力大…)
回覆刪除根據我水份充足的小巿民觀察，今日下午六時的紅隧又真係應該塞左d喎，因為連帶鵝頸橋都塞。(滿足了政府「預期」打後一個星期便更塞的期望。)
今早試過，紅隧幾塞下，至於東隧嘛，一個字：Suck！
回覆刪除無聊路人搭訕