發發家長的嘮叨

原來小朋友的遊戲都幾值得關心。例如果日在巴士上，有小朋友和婆婆玩「磨利刀」，大大聲「斬死你!斬死你!」；另一對姐妹就響度玩什麼「007上天堂、007下地獄」。如果佢無嘈住我睇報紙就由自可，咁好明顯佢地「斬死人」既聲浪已到了叫人毛骨悚然的地步，坐在後排的父母卻沒有干涉。

家長日又好，平時與家長通電好，時常有家長問，我個小朋友咁咁咁，點算好﹖

我又未結婚，無小孩，沒有什麼資格教人教仔。不過有時一聽家長說，就知家教出問題。有些家長從小朋友小時候開始就「怕左佢」，不想破壞親子關係，不打不鬧只講道理，甚至包庇孩子的錯，處處找學校的碴來證實孩子「我本善良」，根本默許孩子的行為。

我有時發火，心裡想如果你係我個仔，我一早一巴扯過去。(嗱，有D道德重整派既網友就會話，你身為老師，發表鼓勵體罰既言論係唔啱既唔該你反省下諸如此類，麻煩你唔好麻煩你自己留言。你連一個幻想一個比喻都接受唔到我係唔會理你既。)

有些小孩子性格自由奔放，你說學校還可以點教﹖如果道理講得通，細路一早就乖乖地。教育過程裡適當的罰則不可少，罰不等於體罰，但要讓孩子知道不恰當的行為會有後果。上帝會願諒你70個7次，但社會現實不會。

荒謬的家長指控日日新鮮鍋鍋甘，我這些「大口怪」常被人投訴不是奇事，時有人喜歡把自己沒有說過的話送入我口中，暫且按下不表，費事又話我亂張學生的事廣發公眾(聽聞有家長投訴老師，在自己的網論盡學生的事是不對的，君又不見家長看看學生在自己的網誌罵盡老師的祖宗十八代作為老師的卻必須扮作無知/大方)。有家長話教師打學生同叫學生去跳樓，我就會反問在這個顧客至上消費主義的教育年代，還有老師可以這樣說嗎﹖C，告佢誹謗啦。

掉轉頭講，是不是孩子和青少年人把成長的問題全丟給家庭背景便過骨呢﹖今日娛樂版話，名模Naomi Campell又打人。Naomi臭脾氣全世界都知，佢歸咎童年遭父親拋棄成為缺乏安全感的陰影。所謂心理學我不是專家，但人有自由意志，明知脾氣臭，咪自己用意志力解決佢囉，有童年陰影卻奮發自強的例子不勝枚舉，為何世界偏偏只有你一個咁慘﹖我真係唔識體諒。

家長日有家長問，有什麼事要向你代禱﹖我心想，要代禱的事實在太多了。謝謝你，那一刻我真的很感動。