(一)
只有青春無敵，才有資格將中文講得像英文。因為只有少不更事，才覺得英文腔的中文很可愛，而不怕被人暗笑扮野，或者讓如我等無聊人擰歪面偷聽兼記錄。
「你sh想唔sh想去呀﹖」
「果個人真係好ch寸呀。」
「ah-(k)-ha，好啦，bwai bwai。」
我清楚，因為我都係懶係將中文講到似英文的人。
(二)
我一向說話都好大聲。教書還好，示威也行，但坐辦公室就很尷尬。我盡量把聲音壓下去，不過積習始終難改。
而當我好溫柔好女人咁對電話講︰「喂﹖」 - 半秒後，來電的相熟朋友，都會 - 冷笑。
(三)
老豆食飯時會無端端唸詩。
佢話︰「十年生死兩茫茫，不思量，自難忘。千里孤墳，無處話淒涼。」
我答︰「小軒窗，正梳妝。」
佢話︰「未到呀，嘈嘈嘈。」
之但係佢又背唔到落去噃。
佢繼續背︰「故人西辭黃鶴樓，烟花三月下揚州。」
我答咀︰「孤城遠影碧空盡，唯見長江天際流。」
佢鬧︰「錯囉，孤帆呀，低B。」
我問︰「明月夜，陶醉了。呢句詩係邊個作既呢﹖」
佢諗左陣，好苦惱咁答︰「唔知喎…」
我答︰「張學友囉，哈哈。」
(我後來在網上搵，都搵唔到點解我個腦有呢句，連個旋律都有埋喎~~)
是藍月亮喔
回覆刪除原詞應是「明月夜 如醉了 夜空添一分悽迷」，如由向雪懷作詞，李克勤作曲，承載了七十年代出生的人的浪漫的回憶。
回覆刪除現在的歌詞，可再沒有這麼的詩意…
咁即係話, 應該係李克勤唔係張學友…嘻嘻。謝噢…
回覆刪除應是玉置浩二作曲
回覆刪除懶係有詩意甘bor=.='
回覆刪除得閑發下夢啦~！
謝謝mo~~~
回覆刪除pooh︰我日日都發緊夢啦，簡直一舊雲~~
嘩...你同你爸爸的對話咁似男人四十入面梅艷芳同張學友在家中的對話o既.......
回覆刪除男人四十，my 飛佛!!
回覆刪除唔唱K o既「太淋」廣告，"my favourite"乎？
回覆刪除YEAH! 肥力叻叻!!
回覆刪除其實男人四十果幕都幾可怕嫁~~
咁應該係向雪懷至真~
回覆刪除因為佢係填詞人~ :)
學友好似o係演唱會唱過, 所以你記錯係佢都唔奇~
"縱然相逢應不識, 塵滿面, 鬚如霜
夜來幽夢忽還鄉..." (冇search 呀, 係背o架, 希望o岩啦!)
呢闕詞係我小六班主任教o既, 印象深刻,
其他好多宋詞, 就係睇瓊瑤學o既~ :)
喂, 係詞呀, 你老豆唸o既唔止係詩! :p