許多人說過，習慣了最差的，就不知什麼是最好。媽媽在吃我跟公司同事訂回來的白菜西洋菜，彈彈菜莖又幼又硬，評評菜葉多洞又有虫。儘管這些是我在家用以外額外付款購買的有機菜，但李太站立洗菜的時間比以前久，剛勁硬淨的菜莖要更多煤氣來煮，她就叫我不用花錢了。
這是有機菜啊，我跟媽說，你難度明知靚菜來自農藥也照吃不誤嗎﹖你呀，媽說，在公司做環保好了，不要把環保也帶回家，煩死人啦。只有那幾款菜，果日想食西蘭花都被迫食白菜…農藥帶給我家超逾廿年的靚菜時光，我們像吸鴉片般迷上了。
不過，媽和我現在都懂得說，香港最大的溫室氣體排放源是電廠啦，呵呵。
***
Nice photo, which just match the weather of autumn, the leaf cover the beautiful sun.
回覆刪除一步步啦, 令壽堂慢慢會多些支持鼓勵的。 我阿媽家陣係屋企自己搵個盤, 搞咩無土有機種植, 種青瓜呀....... 都唔知有無俾人呃。=P
回覆刪除必須承認, 無論甚麼規模的耕作, 都會令人憶苦思甜。
呢度我又有少少唔樂觀。畢竟四五字頭輩係工廠年代大o既，方便、平o野、靚o野好係佢o地o既核心價值，大過班後生講o既乜乜環保。呢個係我對媽子咁耐o既小小心得。可能真係要先由另一o的核心價值入手，例如慳儉。
回覆刪除係呀，有機菜啲菜味真係好唔同﹗﹗好味﹗
回覆刪除靚菜時光都仲有得望，靚蛋時光就冇咯。冇打針走地雞下的蛋。
呢，李太今晚煮翻普通芥蘭，佢就好高興咁話，終於食番[林]既菜啦。真係吹脹。有D野真唔係錢可以即刻解決到。
回覆刪除sunfai，種青瓜如何無土又點解會俾人呃呢﹖李太(同李小姐)想問吓喎。
肥力兄︰有機未有巿場，都係貴d嫁啦。又，唔洗用分析框架黎睇咁大件事喎。一句講晒，個女家用俾唔夠，豪唔起。李太的用語係︰唔通窮人唔洗死同會食死咩。
一豆︰雞蛋真係無望啦，連新鮮雞都無得食。李太今晚隻切雞，都係雪既!!
曾在有機種植機構短期工作, 認識愈多, 反而對有機農菜愈不以為然, 太奢侈太浪費資源太階級化太做作了, 保護土地是應該的, 但去到那種絕對化, 追求那所謂的百份百, 連一粒外來種子也視作洪水猛獸的封閉態度, 對一般蔬果嗤之以鼻, 感覺有點不食人間煙火的味道, 也對不起萬千辛勞耕耘的農夫.
回覆刪除我同意環保不等於聖經。的確有非常激進的環保人士, 以為真理在我手，就可以漠視現實。相反，亦有些人覺得環保與經濟發展對立，覺得環保人士阻住地球轉，則是未能反思現狀。各大五十大板，我沒有既定立場，不過希望行每一步都有所反思，不要宥於既有立場。
回覆刪除