甘草靚佬
看「高朋滿座」，見到張英才中氣十足走出來，我高興得嘩的一聲叫出來，還以為他垂垂老矣，躺在床上了。張英才為不少動畫配過音，聲音機靈又充滿活力，可以扭來轉去，扮什麼也神似。還有張英才那一頭銀絲，令人覺得他是親切的爺爺，笑聲能把愁苦的乖孫一擁入懷安慰。
傍晚重播的「茶是故鄉濃」裡也見到鮑方。一直喜歡鮑方，因為他「靚仔」，擺出來便是民初書生的模樣。可惜近年他身體不良於行，每每出年都坐在輪輢上，縱使紅光滿臉，總有點不能釋懷。
最失望便是最近在巴士電視一個介紹關節藥的廣告裡見到曾江。讀建築又拍西片的曾江，永遠英氣勃勃，風度翩翩，亦正亦邪囊括女人喜歡的好男人壞男人的所有特點。但那個廣告嘛，說曾江玩得草地滾球多，膝蓋關節痛，到了要吃補藥的年齡。老嘛，也可得如英才鮑方之氣質，可是廣告裡的曾江臉部肌肉鬆弛了，還被配上一個別人紅紅腫腫的膝蓋，與Kawaii之流的節目主持興奮地談老人藥。瀟灑哥，你哪裡去了﹖
12 則留言:
李大人：陳鴻烈都正wor，d 戲勁浮誇
所以他在火舞黃沙好得，成個猶太長老咁，掛到一面鬚睇唔到佢表情。曾江好似做過香港網球界種子，歲月催人。
曾光係讀土林工程,講得難聽的叫做地盤佬.
咁樣個感覺係唔係match返的呢!
你提起張英才配音, 我就想起三個令人難忘的配音員老前輩: 一是張英才, 二是譚炳文, 第三位忘記了名字, 配關雲長不作第二人選, 不幸他許多年前在車禍中喪生了.
我知我知，佢係藍天!我好鐘意佢把低沉聲嫁，到而家都記得。佢車禍死那時，還在讀小學，午飯時新聞尾尾播佢個死訊，我仲嘩左一聲，我仲記得報紙刊登他的死訊的新聞大小，現在的甘草百年歸老，就未必有咁既招呼囉。
yy，陳鴻烈咬字唔正，同埋我覺得佢既形象有d保守。
曾江唔係係栢克萊建築咩﹖吳彥祖都係讀建築喎，hehe。
Miss Lee : 題外話, 但覺得每位老師也有機會面對這類公審問題, 你應看看.
關於天水圍香島中學某女生被欺凌的短片放上網後, 成為太陽報頭條, 及高登網友指楊耀忠校長企圖低調處理一事 :
http://www.uwants.com/viewthread.php?tid=2176203&extra=page%3D1
http://forum2.hkgolden.com/view.asp?message=639358
天水圍女生單野學校點處理我無興趣
不過就「高登文化」倒有d 感想
高登好像一把劍
威力其大
而且壇內不乏「有識之士」
有時倒給人「香港良心」的感覺
今次天水圍條片好似係佢地從HK forum foward 到報館再+ N 萬個post/E-mail 促成事件暴光，倒是「正氣」
然而上次所謂「會考出貓」
也是先有人出post話見到好多人考考下去toliet
推測有人上網
過一陣又有人用第一身出post話出左cat
煲煲下又上頭條
真係「神之左手+惡魔右手」
我係識報告報告咋
評論留俾各位高手la
有單咁既野咩，我淨係掛住痛，唔知添。這陣子blogger comment 又十分不隱定，有留言來了也不知道。現在去看。謝謝報告。
gaubinfor， 被人網上公審我都試過啦，那條傷痕還大刺刺的。我唔評論人家校的事，費事又被人追到上黎。不過第一，可能個老師真係好天真，對學生企上台認錯，個一刻可能好感動，亦不能抹殺學生真心定假意 - 教育上你只能選取相信這條路。不過第二，對於年青人的真心或網上糞青，我現在是高度警愓，見步行步，你話我老油條又好，學精左又好。學生好是bonus，有待改善是正常，年青人嘛。
今時今日在香港為人師者太不容易，戰戰兢兢，動輒被投訴被公審，再這樣大家只能在制度裡縮起頭踡起身子苟且下去．
向老師致敬．
我仲記得, 藍天是拍梁朝偉劉青雲果齣「大運河」時死的, 當時都好震撼, 因為佢死左, 要改劇情!我當時讀小學, 都勁追這套電視劇!
嘩!鮑方! 兩袖青風的超然人物, 不是演隱居深山的高人, 就是高僧, 或是賢君或慈祥爺爺! 我都好鍾意佢!
另一個我鍾意的是陳友后(好像是這麼寫吧...)。他是我的街坊, 早年不時在酒樓見到他, 不過近來少了。媽說上次見到他時好像已不良於行, 不太會照顧自己, 不知他現在怎了...
吓，大運河﹖咁真係好耐囉…有人都記得藍天，也好。陳友后個樣，我只有一個印象，但想不到實實在在的樣子。反而藍天就真係記得好清楚，連聲都記得。
發佈留言