膠袋稅

聽唐英年的財政預算案記者會，除了在電視螢光幕上玩認記者遊戲和緬懷做記者的老好日子外，基本上我是睡著了。小女子未婚，母親又未到55歲，薪俸稅又無話減，對紅酒無興趣。總之年年賺埋唔係交保險交學費就係交稅，唔知老左邊個養我。電視新聞訪問那些中產家庭，年輕的就月入二萬，三十開外的兩公婆就搵九萬，對我簡直係天方夜談。放學行商場想買條運動褲，Nike就過三百，adidas都有二百幾，gio記又唔賣運動褲，唯有著翻條舊既，無計。 唯一贊成建議徵收膠袋稅。在銅鑼灣如此急速的地方方，每次買麵包連錢都未掏出來，收銀員已把四個麵包分開四個袋再外加一個大膠袋給我全裝好了，連那句「唔洗大袋啦唔該」都來不及說。急凍食品常給分開一個膠袋另存。每次從手袋掏環保袋出來雞手鴨腳，收銀員又不耐煩的看著我。 都不怪收銀小姐們，她們只是按公司程序安放顧客的物品。一些精品店如無印良品、Franc Franc、住好D已有主動問購買量少的顧客是否需要膠袋。像百佳、惠康這些大機構應更積極推動節約膠袋，甚至仿傚外國向顧客徵膠袋費，減低顧客隨意索取膠袋的意慾。 歸根究底，是消費者自我中心、對四周環境的漠視，才會製造如此龐大的廢物量。二手竟是潮流而不是理所當然的誠意，面對這些人覺得好苦惱。