2005年3月22日

作為消費者

我有潛意識作弄李氏家族旗下推銷員的傾向。 去年和記寬頻的推銷員上門推廣優惠,我已經當面質疑那些未戒奶的推銷員為何可以入私人屋苑逐家逐戶推銷什麼插電制上網計劃。無李生,就無你這班後生仔,咪怪自己住李生的屋苑囉。他們又要住戶即時簽約,謂否則喪失日後安裝此項服務的資格。又指我的鄰居什麼也沒有問便簽約啦,表情顯示不明我為何要問東問西窒頭窒勢。後生仔話,小姐,我都係照上頭意思打份工罷了。 後生仔,Miss Lee都係自然神經反應教下你做人要清清楚楚罷了。 輪到和記固網服務這兩晚打來(係呀,我同李氏都幾有關係,長途電話服務都係用和記,又真係自作自受。還有,我都係姓李…)。第一晚問李老闆是否在,Miss Lee說不在。 那個應該又係未戒奶的推銷員甲又氣粗粗問「咁佢手提幾多號﹖」 Miss Lee當然係答︰「關你咩事。」 對在街的調查員問我幾多歲,我都會話︰「關你咩事。」 今晚輪到推銷員乙打來,醒好多。李老闆未歸,乙小姐懂得說︰「我係和記家居電話,想同你講些優惠。」咁李老師才有心情聽嘛。 今次的優惠是,家居電話到期啦,立即續期可獲三個月免費電話回贈。 Miss Lee︰「咁如果唔知到期唔續住,你會唔會即刻cut我service﹖」 推銷員乙︰「唔會,不過我地會收番舊價。」 Miss Lee︰「咁橫掂我唔知到期又會自動續期,立即續期又係續期,點解你唔兩樣野都比優惠我呢﹖」 推銷員乙︰「我地都係想比番個優惠你。」 Miss Lee︰「…」 …「咁你寄白紙黑字既合約比我睇下先啦」… 推銷員乙無氣地「係係係」然後收線。 Miss Lee都係想大家多點用腦罷了。

7 則留言:

sc 說...

笑死我了miss lee...
還令我想起多年前跟李生旗下網上行的不愉快經驗 (見連結), 你有興趣就當case study看吧 (不過那麼長都是別花時間啦).
只可惜我沒有你那麼氣定神閒~

http://www.seechuen.com/phpnuke/html/modules.php?op=modload&name=Forum&file=viewtopic&topic=126&forum=1&15

Man 說...

路過搭訕.miss lee既經歷笑到我死,亦都教曉我搵工千祈唔好做推銷.

日不落 說...

一邊興緻勃勃地看Miss Lee的新作,一邊在想像Miss Lee以雄亮的聲線與推銷員對話,但怎樣也想像不到:年紀輕輕(我與 Miss Lee同齡的,榮幸榮幸~~~)的Miss Lee在老氣橫秋地教訓未戒奶的推鎖員(好聽點是塞錢入佢地袋)。

有點驚添,Miss Lee 下月家訪我時,要醒醒定定(兼帶個耳塞)。嗯,就算俾Miss Lee 醒,佢 都係塞錢入我袋o者(安慰自己狀)。

不過,我面對這些推銷員,通常都係沒好氣狀,同時又想,佢地都係打份工,唔想令佢地太難過(懶仁慈狀)。

(然則你覺得 Miss Lee唔仁慈嗎?唔係唔係,Miss Lee 有教無類,充滿慈愛,信Miss Lee 者得救……)

MissLee 說...

其實今日家長日,我就會變身由鬧人果過變做被人鬧果個。家長無良呀…家長以為自己係消費者就可以無良呀…教書被人媽仲要陪笑,無良呀…

不過次次我同推銷員玩完後李太都會教訓我,叫我做人有番點厚道積番點陰德。我都係問多兩句姐,我其實唔係好惡姐…

所以,當今日有家長用一陽指指住我叫我改善同學生的關係的時候,真係火都黎埋。我仁慈有教無類又充滿慈愛嘛。咩太,做完學生意見調查才來指控我罷…教書教著無良消費者,不勝唏噓。

匿名 說...

忽然間覺D推銷員好無聊......

208/209 說...

miss lee, 請看這篇英國Guardian的報導:
"Parent rage puts teachers at risk" , 就知道天下烏鴉真的一樣黑.未知會否令你好過/難受一點?

http://education.guardian.co.uk/schools/story/0,5500,1446348,00.html

MissLee 說...

老師被bully喎…謝謝208/209的分享,我會將文章與同事分享。