識講，唔識撈

傳媒不報導一件新聞，不深入報導，甚至報錯報偏那件新聞，怪傳媒是沒有用的。我的工作不是改變傳媒。它就是那樣的了。遊戲放在那裡了，好想玩，但好驚。究竟玩，還是不玩﹖

記者常跟我講︰你說那個不是新聞，因為不夠「新」。

• 建議淘汰傳統鎢絲燈泡 – 新。
• 慳電膽有含微量水銀，可能毒害土地 – 新。
• 商戶與巿民已使用慳電膽多年，已在毒害土地多年 – 舊。
• 所以，政府一直沒有針對這個多年存在的問題，土地已被毒害多年 – 舊。
• 建議淘汰傳統鎢絲燈泡，是因為政府沒有規管電廠作為本地最大二氧化碳來源，也沒有落實京都議定書。我們歡迎政府提議較這更有效的應對全球暖化的政策。 – 第一組係舊，因為開記者會講過；後三組都係舊，因為講了多年。但是你們的立場，WHO CARES??
• 好啦，話慳電膽有毒果個教授其實話，他不介意淘汰鎢絲膽，不過希望政府與生產商做妥回收工夫 – 這是澄清，所以，不算新聞。
• 外國一些國家正辯論淘汰鎢絲燈泡的利敝 – 與香港無關，所以不算數。

(深呼吸，抓爆頭。)

• 不如咁，由於巿民已廣泛使用慳電膽，所以政府的回收政策有漏洞。不如去調查下堆田區每日棄置幾多慳電膽呀。另外，我地建議政府參考歐盟訂立慳電膽水銀標準及鼓勵生產商回收，同埋教吓巿民選購環保慳電膽小貼士呀。 - 吓，都話唔係新聞囉。
• 不如介紹吓巿民坊間有咩類型慳電膽呀… － …。

…

不如你話我知，什麼才算新聞﹖

日日都要新。我飲幾多牛肉汁都補唔番。我仲生緊兩料飛滋同埋流鼻水呀大佬。

氣候變化喎，日日都唔同，個地球應該毀滅很久了。

(電視台仲話要影像，真係浸死幾多隻北極熊都補唔返。)

…

呢，我不嬲最不屑看心靈雞湯與如何賺第一個一百萬之類的書。但係唔得，淨飲牛肉汁，唔work。我終於去買了大學一年級以來第一本心靈雞湯。