放工隨筆

每晚食飯，我同老豆都鐘意新聞送飯。不過晚晚問呀媽，今日有咩大新聞，除了股巿升定跌，她通常答不上來。

(新聞剛出敝組織的新聞，轉過頭，媽話，個女記者個樣真係似你姐，咁。我問呀媽，頭先關於敝組織既新聞講咩呢，佢已經唔記得左!)

看今晚新聞，群蛇出洞，屋邨火災，政府管制濫發電子訊息。峰煙講六四，講厚德火災後仍未可開業。以小巿民的容量，要關心的，已經夠多。

作為小巿民，三餐憂柴憂米，我真係唔得閒關心咩野氣候變化。心裡響起一列「台詞」來自我搏擊︰「大家要關心，因為聯合國交叉交叉報告話，窮國人民首當其衝受氣候變化影響，將會在交叉年令交叉億人飽受熱浪、農作物失收、疾病傳播的打擊…」

吓，我住響香港喎。我洗洗下碗諗，氣候變化、有機飲食，呢d議題咁中產。仲要我關心鯨魚同熊貓既福祉，唔係下話。

香港近年爆了很多綠色團體出來，我今日睇網上新聞又「吓」一聲，見到個新團體出黎請願。同日，有記者話，以後多多指教，政府整左個環保局，電視台便順理成章開了條環保Beat。

各有所好，各取所需。有人話窮人食唔飽，仲講咩環保。但環境較好的人享樂同時在破壞環境，又是不爭事實。有人話環保不過是政治籌碼，但我絕不同意因此政府巿民商家佬可以繼續自我中心無止境搾取自然資源。分層分組分階段工作，綠色團體應該沒有誰搶了誰的飯碗。

講完。(睇下第一段同最尾果段，真係前後不對稱…)