2007年2月18日

新年肥膩

小時候很怕中國人的新年。恭喜的說話說不出口,紅線金線的衣服穿不上身,甜糖與煎炸食物也不宜多吃。一天跑四、五家逗利是,捧著大包小包的賀年禮品狼狽回家,還要與滿街的一家四口爭計程車東奔西跑。

後來長輩離開親戚移民,過春節反倒變成另一天坐在家裡無所事事,邊看電視()邊將一年一次的金沙朱古力和瑞士糖送入口。期待那隻其實天天也吃得到的白切雞,幾年間對盤菜經歷過熱鬧狂歡與批評厭棄。儲蓄也難靠那數量(不等於質量)愈來愈少的紅包,即拆即花免卻到銀行排隊入那一千幾百。

老媽今天對我說,女,以你和我的年紀,這個廚房早該交給你了。持家是女生的成年式﹖每年替老媽買年花都是戰戰兢兢的經驗,不是被批評花開過了頭就是年桔長得不夠密,有一年還有蚊滋附在花農贈送的鮮花上,都忘了那年最後有否「大吉利是」。總之這頭家我還未願意擔上肩,也沒有意圖和能力自己另闢天地。

春假無聊,肥肥膩膩,數筆打發時間。祝各位身體健康,少說話,多做事。

註︰WOW,單單週末兩天,伏在電影一二台前,我已看過千與千尋、國產凌凌柒、Sweet Home AlabamaAmerican Sweethearts,眼尾飛過賭神、新紮師妹和功夫。當然有(細佬佬)俾錢入場睇翻生翻生侏羅館。幾時咁懶過。

18 則留言:

chanchan 說...

恭喜發財,萬事如意,身體健康!

YIN 說...

祝財源廣進,豬籠入水,身心和平!

(你就好啦,可以咁懶,因為我之前懶得滯,呢幾日都係對住傅生......唉)

Eric 'Spanner' 說...

多謝你來睇下我個金豬頭先 =)

喂喂喂,講都唔緊要,只怕聲大無準,講完就算。重有,嚴格o的講,我o地日中打咁多字,都算「講」喎,係咪又要收下口呢 :p

重重有,希望大家有腩收腩,冇腩有肌。我個腩成個波咁喇。

肥榮@西九龍貧民區 說...

miss lee 新年快樂呀

YingYing 說...

新年身體健康,萬事勝意!

跟你一樣,我在年三十那天在家大掃除,電影一二台就伴著我整天了...

學霖山莊 說...

老師D水仙幾靚噃...

今年D花開得早又燦爛...
祝 萬事如意、心想事成...

小熊云尼 說...

心想事成、身體健康!
大家過年既情況都係甘。數日已困在家,訓完又食,同今年主角(豬)差不多。往來的拜年電話互相問候。

叫伯母唔好擔心那個廚房甚麽時候交接,事関每個阿媽都會甘同個女講。

MissLee 說...

chanchan︰祝小朋友快高長大,豬事順利啊~~

yin︰題字呀題字呀…

eric︰聲大是否準確真係見仁見智。不如練就金剛不壞之身凡事睇開D,更划算﹖

肥醫生︰繼續妙筆生花,妙手仁心啊醫生~~~

YINGYING︰多謝多謝!!!祝電視長睇長有,廣管局早日換人!!

學霖︰係囉,就係D花開得太靚,所以被老媽話我買埋D殘花敗柳囉…新年如意,萬事平安!!

POOH︰新一年得心應手,唔洗勞勞嘈嘈!!!快見、快見!!

MissLee 說...

講多句呀eric,keke,我個肚啊,keke,pregnant啊有喜啊!!!(快d生佢出黎…)

sunfai 說...

年初一, 老豆係度睇春節晚會重播喎!! 豈有此理我即刻拑去43睇衰鬼上帝!!

今日下午都同時咁睇咗陣家有囍事同五個相撲的少年..... 大時大節, 特別鍾意有線電影頻道。

豬肥屋潤啦咁。

male 說...

祝 萬事勝意

HoYee 說...

Miss Lee
Happy New Year

cAribou 說...

祝misslee豬年豬油入罐,繼續懶洋洋,永遠食得膩!

長大'羅',要開始做成年女的俗事'羅'。

YIN 說...

題咩字呀?

Eric 'Spanner' 說...

搣匙:都好——我呢兩三個月係咁睇人網上嘈交,又戒唔甩,好辛苦呀……>_< (抵死!)

對於你個肚,hehe,真係唔知點講囉……唯有祝平安啦……

MissLee 說...

SUNFAI︰春節晚會是我國每年的重點節目,既能表現民族大團結的情操,又能反映國家騰飛既現況…我真係由衷佩服世伯呀。

可兒︰新年快樂喲…都係果句,響英國唔好群埋d -中-國-人-啊。

馴鹿生︰你都換左好多個身份吓啦喎…

yin︰你咪幫我決定左囉,仲問…

肥力︰我個肚係唔可以平安嫁,佢一定要同我滾出黎呀…

TSW,或鄧小樺 說...

拜年。send了一封電郵到miss lee戶口,因為名稱怪異(「姓顏色的大學生」),希望不被當成junk mail才好。
謝謝。

TSW,或鄧小樺 說...

咦,我搞錯了一點事,似乎郵件寄到別人信箱去了……在網頁找不到你的電郵,請先致郵到rhetorical_pain(at)yahoo.com.hk好嗎?