2007年5月24日

脂肪

疲累的時候,我最喜歡吸納脂肪。雙層芝士漢堡,炸薯條,薯片。今天又唧了許多許多沙律醬,點壽司吃。媽最近拿手蒸排骨,我也要沙律醬來點著吃。

當生活無可無不可的時候,我也不知道哪裡去找尋滿足的感覺。於是吃脂肪,讓肚子飽滯飽滯。

我甚至會明刀明槍只想看師奶兵團不想看有線第九台。你知我知,追求這些口福之樂,我做人基本態度已經退到生物層。

***

母親年紀漸大,身體欠佳,未免擔心未來生活,就常常跟我講錢,內容由現在的工作不會發達,到日哦夜哦想洗我腦明白致富必先有致富的mindset。

阿媽成日話,係佢兩公婆唔好,令我同細佬成長太安逸,不明白賺錢的重要。

賺錢會令我更滿足﹖滿足會脫離生物層﹖抑或令我更貼近生物層﹖不過近年我不太抗拒錢錢錢,明白到除非我有無窮毅力和創意,否則有幾個錢,更容易讓我做想做的東西。

例如﹖keke,諗諗先…

15 則留言:

匿名 說...

今天我也隨手拿起東西在吃。吃是一個上等的工餘節目。

當我們不抗拒想辦法如何多賺點錢,想未來,某程度上,我想我們已告別青春……

WHY 說...

我都係喎。

往年我最頹的時候,我試過勁食薯片,食到嘔。
第九台睇到覺得好煩,張宏艷那晚不斷講「冼鹽」,聽到我好辛苦。最近寧願睇二奶台的封神榜,睇馬景濤眼突突咁做紂王。

我又搵工喇......真係好奄悶。

Beyond Barrier 說...

如果家母「教」我致富的mindset,曹仁超的文章會是反擊的利器... heehee

我話致富的mindset,是隨遇而安+幹實事+少少夢想。強行改變自己,目標只為發逹,其實同賭博沒分別,可能你真的一夜致富,也可能瞬間一無所有,這是用自己的前途及幸福去賭啊!相信這樣二元的際遇你也不希望去經歷。

老土d講句,做你認為應該要做的事吧。

匿名 說...

讚同Beyond Barrier !!

匿名 說...

我從來都唔抗拒錢,我只係唔太努力搵錢而已。不過近年接受左所有既錢都係污糟的時候,就積極左去開托財源了!都係你果句,就係想更容易做想做的東西。

我有個好處,就係食極都冇咩脂肪, 應該考慮去搵張玉珊斟下做代言人, 搵返十萬八萬零用錢先!

匿名 說...

當有人一開始叫我做阿叔,我知道,我已經進入新階段了

大概每個人有其消疲勞的辦法,有時是一種情感寄託,有時是一種行動,大概是李安所講的每個人有一座brokeback mountain.根本不是單講同性戀吧,如果有得播,問定..幾級?大把objection?

錢,安全感,至於滿足的感覺,有更多方面啦當然,well,我的消疲勞的辦法,其一是跑步,特別喜歡在鬼節午夜時候跑須便扮鬼....好有feel....(痴了線!)

i am sorry,依排講xx,全會列人情色handle......

regarding 理想,我喜歡”緩慢而堅持”(好像是金庸說的)

現在愈來愈難找飯吃,周不時要金句撐住,

我不明白,最低工salary有what問題,連一些富豪認為唔work?!大啦啦xxxx億你可以make decision, 這issue好像r爆頭,
at least 你convince 我why not?

匿名 說...

當有人一開始叫我做阿叔,我知道,我已經進入新階段了

大概每個人有其消疲勞的辦法,有時是一種情感寄託,有時是一種行動,大概是李安所講的每個人有一座brokeback mountain.根本不是單講同性戀吧,如果有得播,問定..幾級?大把objection?

錢,安全感,至於滿足的感覺,有更多方面啦當然,well,我的消疲勞的辦法,其一是跑步,特別喜歡在鬼節午夜時候跑須便扮鬼....好有feel....(痴了線!)

i am sorry,依排講xx,全會列人情色handle......

regarding 理想,我喜歡”緩慢而堅持”(好像是金庸說的)

現在愈來愈難找飯吃,周不時要金句撐住,

我不明白,最低工salary有what問題,連一些富豪認為唔work?!大啦啦xxxx億你可以make decision, 這issue好像r爆頭,
at least 你convince 我why not?

你到chinese restaurant 食飯,叫更沙拉bone 囖?

匿名 說...

隔空贊成"超越陪礙"者的講法。

我信, 唔係你錢, 唔入你袋。做 fund-manager賺得多啦, 但壓力又咪大到無論咁....... 若果經濟學係0岩的話, 我成日覺得收入同付出係對等的, 無人賺多咗。

返回現實, 明白你母親大人的感受的。平凡是福, 比上不足, 比下有餘啦。

又, 諗到記住益吓各街坊。

匿名 說...

everybody,

有冇試過煎蛋+沙律醬呀,好得!

把沙律醬add into蛋張,撤底打暈,記住撤底,跟住煎香,不要太熟....

匿名 說...

錢太重要了,尤其在慾望香港。。你真係要諗諗

Kevin Li 說...

sunfai: 留意下一隻新股上市喇!另外,就是未來有減息壓力,應該將多些儲蓄同壽險分散到股票同債券市場。買基金是方便的選擇。

匿名 說...

新股都唔容易抽呀!
我有位在水務曙工作的朋友,早排上course,阿頭提到士氣問題,無人有反應,只暗裡說無水,個朋友從前polyU讀工程,在building firm 做,人工20k有多,但轉水務曙人工得番half.....仲要是contract

黃世澤 Martin Oei 說...

我看法你話我怪都可以,那是越想致富,越不能致富。

沒法,因為現時世界其實正進入「藍海年代」,一窩蜂做一件事通常只會血流成河,一無所得收場。問題是,香港人的致富思維,紅海得很,一定要打大公司工、識炒樓識股至叫識發達。

找些自己想做的事來做,用心去做,財富只是副產品。

匿名 說...

嘩,沙律醬都可以點掛骨!好勁!我自少嗜吃如命也不曾試過,Miss Lee好勁...

至於$$$,我也明白你媽媽的苦心,年輕時我們有手有力,工作不是太難找,而且不用把整份人工養化骨龍及補貼家用,我們可以談理想,做自己喜歡做的事...但年紀愈大,可以賺錢的時間及機會就會減少,到時自己又要養化骨龍,供樓,補貼家用,計劃退休,兼擔心無錢睇醫西要連累別人..所以她才這麼緊張你:)

匿名 說...

胡錦濤7月1日訪港, 股市想跌都難...諗諗佢 (kcyeung)