2007年2月28日

B哥哥

抱著什麼心情看演唱會,就會產生什麼預期效果。看蔡琴是抱著預備流淚的心情;看溫拿都預了他們會以高領衣服遮掩火雞頸,高歌友情,與拿鍾鎮濤破產及被女累的故事販賣悲情。

搵兩餐的需要令人精神煥發,堅挺身軀,繼續有型永遠瀟灑。阿B係五個人當中仍然最有款果個,根據沒有看娛樂版的我推測,33週年演唱會其實除了幫阿倫抓銀外最緊要都係俾阿B翻身。我看阿強依舊,健仔開脫,阿倫世俗,陳友唔志在,但阿B就最落力,十足貨式全場賣笑。

溫拿梗係拿阿B的往事做笑柄,難得他又不知是豁達還是職業需要,讓大家尋開心。可預期的硬笑話不能逗人發笑,反而某個位溫拿五個人一人一句,阿B自己靜靜話︰「因為我的原故,這個演唱會開遲了,對不起」,較他不斷說「我會繼續俾心機」之類更subtle悲情,更讓在場女(中年)粉絲尖叫和給他不斷塞利是。

我嫌貴,很少看演唱會。我請李生看蔡琴,他請我看溫拿()。有識之士常批評香港演唱會這個那個,不過看見坐在鄰座後腦拖著一條辮子的肥叔叔,站起來聞歌起舞;師奶們手拿利是霸定位等送花握手,幸福快樂。為何要為了寫篇文化批判而拿他們過癮開刀呢。我真的看開了很多。

5 則留言:

匿名 說...

媽曾不屑道:未夠期就開演唱會,梗係為左俾阿B翻身啦,錢又唔使還 ~ (只代表我媽的個人立場)。

雖然我一直都唔係好明,點解歌者要換幾十套衫、滿場低高飛、講野幾乎多過唱歌,但很多人從這裡能尋得快樂,各有所好啦。

看畢演唱會,還能寫泊,好野。那時我已與周公談心。

Matthew網上世界 說...

係呀, 有時覺得人在文化中開心就可以了,
文化批評倒是很厭倦的事.
所以若自己以前真係在這方面發展,
生活倒真的很辛苦.

匿名 說...

家母對呂方有興趣, 唔知我能否幸免於難。

咩懷舊金曲、世紀情歌, 都為香港的GDP貢獻唔少喎真係。

MissLee 說...

SUNFAI:我老豆去睇呂方呀, 洗唔洗幫你攞個簽名呀, haha...

matthew: 以前讀文化覺得好好玩, 但根本難分對錯,理念人人唔同,批評過後是什麼? 迫人家支持你的理念﹖可惜日常生活裡頭, 互相批判真不少。

燕︰b 哥話過左期啦喎, 可能想開30週年, 但那時他又破緊產掛.(我第二晚仲去高溫瑜伽添呀, haha)

Karson 說...

我對他的"高調"回復自由身的行為....好有保留o