2006年7月8日

男人

李太唔明我點解一定要睇港男。上年唔知去鬼左邊無睇,咁惹笑既節目無理由錯過喎。

我極少在這裡講男人,唔代表我唔睇男人。我也不是女權主義者,有個男人拎野開門管接管送無咩唔好。

不知去年港男的編排如何,不過我同李太都節目覺得似筋肉人選舉多D,要扯衫曬完六舊腹肌才淘汰剩兩件參加「考智慧」環節,仲要問埋D咩野「點解女人見到男人會面紅」同「男人個腦重過女人幾多」之類的問題 而呢D隨便揭百科全書都可以搵到答案既死記硬背式問題,與培養閣下既九大共通能力無關,教統局一早想OUT左佢啦。

咁即係話(1)男人既定義係肌肉先行而頭腦可以行埋一邊;(2)男人既存在係為左滿足女人。唔知個節目係咪樂小姐親自監督﹖港姐都要美貌同智慧並重,點解港男既標準就咁既呢﹖

,最好笑呢,就係咩叫好「鷹」既甫士呢 原來係企定 à 出拳 à手板平放及造一個中國式7字手勢,深情款款咁望住鏡頭囉。呢,就好似D美少女影相,一定模仿呀可愛教主咁,O起個咀同V字手勢放響眼旁一樣,自我陶醉,真係電唔死都笑死囉。

仲有喎,有一幕D參賽者要響個水池行上黎,唔知係咪要響水底閉氣等上水太耐,個個上岸時都腳浮浮,索晒氣,有個連頭髮都亂埋。走上水面呢個IDEA都幾有觀賞價值,不過真係太難為D參賽者啦。

我諗D女權組織應該抗議呢類節目,係因為將女性的伴侶描述成如此不堪既一群,間接貶低女性既眼光。咁當然如此顚覆傳統男性形象既節目,應該大大鼓勵亦無不可,各取所需啦。而未成氣候既男權組織,就更應該趁呢D時候出吓聲囉。

19 則留言:

sidekick 說...

全數贊同!
不過我又睇得好開心,E哇鬼叫!^o^
(我成日都o向度嗌: 剝衫啦!)
o係屋企o架o下~ 我媽都懶得理我...

明明呢d 咁o既價值觀係有問題o架嘛......
我真cheap~~ :p

熊一豆 說...

「筋肉人」三個字相信昨晚應該飄過不少人的腦海。小學時玩扭蛋,得到過一個粉肉色的筋肉人,就這副樣子。

一直也好奇著,所謂新時代的新男性形象是什麼,原來承接了西方的六舊腹肌原始力量型猛男(對如此強調肉感,也有點始料不及),不過,箇中變調是,此腹肌收歸女性視點品嚐。以中國傳統中相對重文輕武的男子形象觀之,亦不失為顛覆,什麼香草美人、文弱書生的想像,都掃地去了。

由此想起Rain的兼容,玉帛相見,有大大舊肌肉展示激暴力量;溫柔時細眉細眼、手指輕抹共塗面霜,受落的會被其冧死。算得收放自如。

回到選美,不外乎,男看完女,到女看男的位置轉移之亢奮,一樣的肉慾橫流,或至少努力營造橫流的喧鬧氣氛;當然,流來流去,亦沒甚不可,只怕有心人正好和你的女權呼籲背道而馳,急急套上什麼"女權勝利"。

世俗流轉,或哪天流到乏了,就又去惦念那不一言道破與deferral帶出的蕩迴。

總括來說是︰有趣有趣。

MissLee 說...

如果眨低男性=女權性利,我想那班人無咁膚淺啩。我成日以為女權主義不只為女性爭權,而是社會達致兩性平等。

我想電台視台辦女性選美是為挑選電視台姐仔既話,咁辦港男只不過想製造娛樂節目與話題,說穿了電視台其實無甚誠意。港男由報名到完成,整個過程比港姐短很多。沒有追娛樂新聞,不知當中有何玄機。

不過sidekick啊,如果俾個筋肉人做我男友,我真係唔製囉。

yyl 說...

媽媽話個節目不知所謂
轉左台ATV睇張偉文law

Kajie 說...

哈哈!勢估不到要港男來一趟水著兼"出水芙蓉", 實在一絕!難怪眾女血氣沸騰!

星屑醫生 說...

今天我在銅鑼灣撞見「潔癖羅莽」, 真人著了衫ok 得多, 雖然有點「地盤」feel.

我和太太與你的心態一樣, 這些節目我是死都要看才心息的. 太太說, 看完了, 才覺得自己老公其實也不算差 (!)

作為香港的男人一分子, 或許明天我要成篇文的回應你才行.

sidekick 說...

“不過sidekick啊,如果俾個筋肉人做我男友,我真係唔製囉。”
<-我真係冇你咁笨......
試過先知,試過先知~
你俾個筋肉人男友我,我試完先話你知好唔好~ ^o^

思存 說...

嗯, 誠如節目中何式凝所說, 選港男不是選伴侶或老公 (正如男人也不會用選港姐的標準來選老婆), 應該可以反映女性一些更深層的慾望, 才過癮。但這個港男選舉有沒有達到這個效果呢? 我倒有點懷疑.

中國傳統的大情人形象之所以都是些文弱書生, 自然是由於寫這些故事的都是壞鬼書生, 作古仔來自我安慰。但港男選舉的內容又是根據甚麼而來呢? 對男人的stereotyping比起選港女似有過之以無不及。這些類似馬騮戲+幼稚園天才表演+泰式人妖騷的表演, 真能反映女性的慾望?

(看港男, 我由頭笑到尾, 實行與台上的男人們拉開距離, 避免有「物傷其類」之感~ )

還有, 現場有份投票的女人, 按職業與婚姻狀況分為若干組, 但節目好像沒有怎麼透露,不同組別的選擇有甚麼特徵… (嗯, 退休婦女呢? 女同志呢?)

大陸搞的超女大賽, 得勝者竟都偏向中性化, 而非典型的美人胚子. 有人指出, 是由於參與投票的以女性為多, 她們對女人的審美眼光, 跟男人的(色迷迷)眼光有異。由此, 我想到, 如果港男由全男班選出, 港女由全女班選出, 得出的結果會否更有趣呢?

ballheader 說...

為什麼港男沒有男評判?

我發現男人同女人的審美眼光,非常不同:
我覺得吳彥祖樣子一般,我女性朋友話吳彥祖超正;我女性朋友話樂基兒好索,我卻覺得她奇醜無比!

我估計男女天生的審美構造不同,幸好如此,不然我地追女仔,會多好多對手。

Eric 'Spanner' 說...

搣匙,扯開少少,拉番前,先講返婦團戰森小迷一役。自以為呢件事規模好似爆炸咁,部分可能係婦團平時o係青年入面冇乜曝光,一有事發生,一眾都當婦團係異形,要打。

慢慢計落,婦團宣傳同公關戰,唔會同佢o地o既親密同志,即係本地各界社運團體差唔多。之不過,環團多做記者會同多少少軟性新聞(請件傳媒主任放o的疏乎題材),勞工界有李卓人keep住曝光幫到手,性小眾界勝在有性,但婦團可以做乜?年齡歧視去o左就業,綠色女流又去o左環保就業,性工作又係引人入性——雖則婦團近年開始多講性——但係女性主義o既討論,始終都係兩句起三句止,坊間認識似乎都係唔鹹唔淡輕輕帶過,十秒鐘後叮走跟手問what's next。唔留心o既話,未必咁易靠日常接觸知道婦團o既主張。

學校又如何呢?側聞主要婦團都係各得一兩件全職幹事,平日都係做到死死下,籌款會務活動一腳踢,有熱心會員幫幫手重好,否則難估有幾多心力「開發青年市場」。十幾年前讀中學o個陣,未曾聽講婦團入校講talk,而家唔知情況係咪好o左少少。之不過,校方會有幾多機會「婉拒」佢o地(包括當面或校內會議否決o左),特別係想入校講性o個批?

或者,搣匙可以講下而家學校點講性別議題。

另,坊間男權組織唔見有多少,網上怨男或毒男族就的確存在,不過未成一股可以扭轉局勢o既勢力。同埋,佢o地好少明講想男人點,想女人點,要旁觀者估估下,從佢o地o既言論derive返出來;唔通佢o地o既主張真係咁易get到?

Eric 'Spanner' 說...

typo...

應該係「慢慢計落,婦團宣傳同公關戰,同佢o地o既親密同志,即係本地各界社運團體差唔多。……勞工團體有李卓人梁耀忠keep住曝光兼又幫到手,……」

MissLee 說...

如果港男反映港女深層慾望,咁一般走紅的應該是筋肉人類而不是時興的小白臉。某天某節目,見到男明星都去美甲,這又算不算男女平等﹖

肥力,婦團又真係好似少入學校講東講西,我想一黎婦團財力不雄厚,單靠幾個職員哪來能力常派員到學校。二來如果婦團講男女平機,平機會講都得啦。如果講性議題,娼妓、女子性壓抑、女同志,沒有機會入學校;特別是性壓抑,so-called 18歲未夠,響學校講避孕講同性戀都已經好大件事,仲話講女子性權﹖

我又覺得現在既女權團體包裝唔好,讓人感覺他們取態過激,語不驚人死不休。想起週日鏗鏘集講同志婚姻,節目中有女同志講同志婚姻合法化的意義,當然不是鼓勵同性戀,而是在一個成熟的社會,不同類型的人都應該有平等的起步點。總括而言,其實我不贊同多講女權,愈講愈顯示自己弱勢。如果深信自己無問題,就可以直氣壯。但是,我幸運在自己有接受良好教育的機會,工作上家庭裡沒有因是女子而受過任何不公平對待。叫受壓迫的人不爭取,是對他人的不公平。

eggsplash 說...

你品味真係飄忽

我沒看
我有肌肉恐懼症
亦不喜看人全晚被踐踏揶揄
即使他們是自願的

eggsplash 說...

最重要係
唔喜歡看大牌阿姐做主持
讓我想起A1
想dau巴升埋去

yanlaptak 說...

或者,簡單點,根本這社會「未成熟」到可以選「男子」。看這節目的,沒那一個會認同所選出的「男子」可以代表理想中的「男子」(跟「選美」不同,那種選舉或多或少是有些少「理想」的,雖然也或多或少淪入玩弄),大都以此為遊戲,其實也就是玩弄,所以妳講的「女權組織應該抗議呢類節目」不是沒有道理。但為什麼「男子」不能選呢?雖然我們天天都在選,例如寧違天下人之願也要為母姊的名譽而違規的施丹、貴為首富的李先生、...這些恐怕不是可以在一天、半天的競逐中可以產生的。那是不是說,男子的價值,在於他持久的行動和業績呢?搞不清!

匿名 說...

l dont watch ya ,miss la ~~too poor!


pooh

male 說...

"我極少在這裡講男人,唔代表我唔睇男人。我也不是女權主義者,有個男人拎野開門管接管送無咩唔好。"

OUCH!!! 有個男人拎野開門管接管送無咩唔好, this is quite.........umm........speechless!!!

sidekick 說...

叫受壓迫的人不爭取,是對他人的不公平。
<-- 呢句好正~
有意思~

賴宗翰 說...

裸聊直播間
裸聊直播間
真愛旅舍視頻聊天室
裸聊直播間
0401影音視訊聊天室
真愛旅舍視頻聊天室
真愛旅舍視頻聊天室
真愛旅舍視頻聊天室
真愛旅舍視頻聊天室
真愛旅舍視頻聊天室
真愛旅舍視頻聊天室
視頻聊天網
視頻聊天網
視頻交友-真愛旅舍
視頻交友-真愛旅舍
真愛旅舍視頻聊天室
夫妻真人秀視頻聊天室
夫妻真人秀視頻聊天室
真愛旅舍視頻聊天室
真愛旅舍視頻聊天室
真愛旅舍視頻聊天室
真愛旅舍視頻聊天室
真愛旅舍視頻聊天室
真愛旅舍視頻聊天室
真愛旅舍視頻聊天室
真愛旅舍視頻聊天室
真愛旅舍視頻聊天室
真愛旅舍視頻聊天室
真愛旅舍視頻聊天室
真人秀聊天視頻網站
同城—夜情交友qq群
夜色視頻多人聊天室
男人女人做愛視頻
ut聊天室
午夜良宵網同城約會
夫妻真人秀聊天室
同城交友視頻
live173影音視訊live秀
午夜美女真人聊天室
173免費視訊
173免費視訊
live173影音視訊live秀
live173影音視訊live秀
免費視頻聊天室
寂寞富婆同城聊天
奇摩女孩聊天室
同城寂寞白領交友網
奇摩女孩真人視頻網
聊天室美女熱舞視頻
6699影音視訊聊天室
美女熱舞直播視頻
6699台灣辣妹視訊聊天室
美女主播性感熱舞視頻
小可愛視訊聊天室
ut視訊 網際空間聊天
夫妻真人秀視頻聊天室
夫妻真人秀視頻聊天室
173免費視訊
173免費視訊
台灣一對一視頻聊天室
夫妻視頻秀聊天室