2007年1月9日

一級兒童不宜

查實我怕死,摸到左乳房有異狀,急急腳走去檢查,好在看來仍是虛驚一場。年年驗身,令人放心,況且所得結論,如有銀彈補救,驗身也挺好的經驗。

在某私人醫院做超聲波檢查,診斷室裝修雅緻舒適,乾淨清爽,兼細心提供粉紅色鬆身襯衣替換,中年嬸嬸服待左右。也是中年的女醫生電了頭整整齊齊的貴婦曲髮(呢,即係梁舜燕果款),四名護士跟在後頭,咯咯咯由走廊進來,一入房就指暖爐不夠熱,但語氣溫婉似有修養,令我都誤以為自己真係發了達,(大吉利是)住得起呀。

雖然付款了,死命問護士問題,但係最後都不明白,為何後生女照超聲波,比中年婦超X光貴兩舊呢。

醫生在乳房上唧了顯影劑,一撻GEL咁,拿著個鬚刨似的儀器,在胸前游來游去,她還叫我看電視屏幕,「呢,白色果D就係組織…好,無野,好靚呀~~」我還以為自己有左囉,透過屏幕看著BB在自己的身體內(真係發夢無咁早)。醫生仲話「好靚」喎 – D組織好靚,還是什麼呢﹖KEKE,今日至少與十隻眼六隻手來了個坦蕩蕩的親密接觸啊。

李太話,很久很久以前,在公立醫院檢查,是將乳房扯來扯去夾在兩塊板中間來檢查的。我就在如此陰影下長大,寧願節衣縮食也要去私立醫院做檢查。查實,私家醫院檢查並非比公立貴很多,而且李太又給我上了一課 都叫你俾心機搵錢囉,錢到用時方恨少呀。

11 則留言:

匿名 說...

等醫生告訴你啦.
1. 後生女乳線密度高, 脂肪比較密, 所以照超聲波. 要是照夾胸的mammogram, 只會照出一大堆重疊的影像. 而且後生女生乜乳癌呀, 有粒粒都是fibroadenoma, 是良性的纖維瘤, 超聲波就比較好了.

中年以後就照mammogram x 光, 另外它有別的好處, 就是看鈣化比較準, 鈣化現象和癌症有關, 所以作為乳癌的screening test 會以mammogram 作準.

2. 超聲波是由醫生operate 的, 所以比較貴, 也在乎醫生的經驗和技術. mammogram 是死板的造影, 由技術員做, 醫生之後看片寫report. 所以比較平.

3. 與公不公立無關. 反而私家可能叫你夾胸x光又做, 超聲波又做, 甚至做埋磁力共震添. 私家和公立, 夾胸的mammogram 都是一樣痛的.

4. 最後祝你身體健康.

匿名 說...

誰說是兒童不宜? 每個小朋友都應看這文章!! :P

恭喜你只是虛驚一場。

Kajie 說...

我相信如果女人要去做"下面"的婦科檢查會更驚心動魄,要"擘脾"啊!仲得人驚!

匿名 說...

Hey Fanny,

Everyone wanted to see you last Fri. Do hope to see you next time. I hope to hike that hill near your home someday. I've heard about it for a long time. Nice to read your sharing here.

Take care,
Florence

MissLee 說...

醫生︰多謝啊~~那護士正正就是說這些,但係太多東西了,真係來不及聽。媽媽就話啦,多年前公立D護士好鬼惡,都不過平私立幾百蚊,不如去私立﹖

另,即係話,現在仍有做夾胸的囉﹖只是情況需要不同吧。

SUNFAI︰一級既,但是否兒童適宜,就看那兒童腦袋的構造了。

KAJIE︰女人命苦啊,對嗎﹖記住年年驗身,令人放心~~

FLO︰聚左啦﹖真快…下次吧…祝各人安好…

匿名 說...

李大人:

你無事真係可喜可賀!^ ^

小朋友上

mad dog 說...

呀醫生都解釋得好清楚. 的確, 我多年前睇中環私家醫生都試過, 先做mammogram (痛到死既夾版), 然後再做ultrasound. 不過正如好多報道都話, 七成發現胸部有異樣都係無事. 所以唔需太擔心. 我果次個醫生仲衰, 星期五去睇, 佢話:"check下囉, 睇下有無cancer囉", 去做tests要等到星期二先有results, 嚇足幾日!

匿名 說...

喂喂, 咁Q呀, 我又係最近摸到個胸有d野, 不過我真係錢到用時方恨少, 排了期月底看公立。希望冇事。下星期出來飲杯野啦, 呢排有d濕悶, 要用酒解下。

匿名 說...

我個胸都有粒呀,成2cm直徑. 三年前自己摸到再去睇婦科.富貴女西醫(珍珠耳環加珍珠頸鍊呀)叫我一係割一係做fine needle. 最終返澳洲探親時順手做fine needle(有medicare所以免費),confirm係fibroadenoma. 其實我兩邊胸都有,不過好細粒,唔係醫生摸唔出.

女仔女人,真係唔好偷懶/嫌貴,唔做婦科檢查呀!!

Blogger70th Floor 說...

Miss Lee:
你好呀
好有共鳴呀呢篇
我呢輪成日都形住形住
睇完你呢篇

等我打電話做 booking 先
謝謝分享

percymak 說...

從learnedfriend那邊點擊過來,看了你的描述,好好笑,因為你寫得好好笑。
知道你沒事很鄧你安樂。