2005年7月6日

摘自今天信報︰

劉健威引述今年威尼斯雙年展意大利展館的問外語︰

Blame everyone, admits nothing. 埋怨所有人,什麼都不承認。

用來警醒自己也好。從Live 8短文出發想,發言能否又破又立﹖破而不立是否不理想﹖如要破也要立,我可擲筆(keyboard)了,否則就我都可以做曾當奴啦。

不過自己有時真係廢話。學生覺我廢話的時候更多。「Miss,今次我考試合唔合格﹖」答曰︰「應合格既合格,唔應合格既咪唔合格囉。」車~~

***

劉健威樓上呀梁燕城話,何志平藝術文化修養都幾好嫁,研究過孔孟老莊,驚訝於他的學問修養胸襟視野。何太胡慧中又係勁,連左傳都能答上兩咀。

修養同能力係無關係既,任得你文化修養幾好,管治架構不容許你發揮所長,加上屁股指揮腦袋,咁真係浪費晒d廣闊胸襟囉。何志平平日響明報副刊既短文又真係幾「平」,平平無奇、平舖直述。唔知我誤會了何志平為人呀定係深受我校部份老師景仰既梁燕城啦。

曾幾何時我都認為曾俊華幾好嫁,唔單止識建築藝術,仲去睇東宮西宮,仲唔係眼光遠大胸襟廣闊之人﹖佢前幾日話港台不應與商營電台重覆製作同類節目,應發展小眾節目,一道指令下來,人心惶惶,立即扣曾氏分,其為人尚待觀察。

***

噢,都係今日信報,六蚊,梗係用到盡。

毛孟靜分析,既然政府希望港台成為「小眾電台」,咁就更加要聘請黃毓民與鄭經翰齊齊開咪。曾蔭權競選,大班全力助選,親政權人物是也。商台與毓民中止合約,毓民不容於商辦電台,即無巿場效益也,佢阿哥仲唔係小眾趣味﹖

2 則留言:

日不落 說...

「『Miss,今次我考試合唔合格﹖』答曰︰『應合格既合格,唔應合格既咪唔合格囉。』」

想起個廣告:
「相士,即係點呀?」
「或者,即係可能囉」

「曾幾何時我都認為曾俊華幾好嫁……佢前幾日話港台不應與商營電台重覆製作同類節目,應發展小眾節目,一道指令下來,人心惶惶,立即扣曾氏分,其為人尚待觀察。」

有同感。

Kyushu 說...

看過何局長的文章, 實未能引起在下的興趣。寧願翻《東方日報》看龍門陣, 或靜候《明報》咫尺地球。