2005年7月15日

家長日

K同學親手做既陶瓷,一隻碗,一隻杯,感動。

家長日說得最多的話︰

  1. 「佢進步左好多。」(可套用在任何範圍,例如自我管理、情緒控制、學業、人際關係,再附以例子證明。)
  2. 「佢成熟左好多,識得慢慢控制自己情緒。」
  3. 「佢開朗左好多,放學會同同學打羽毛球,仲識同我投訴添。」
  4. 「佢未定性,男仔係慢d嫁啦,有時要167歲至開竅嫁。」
  5. 「佢性格都好定,女仔係早熟d,識得照顧自己。」
  6. 「佢真係好懶散,踢都唔郁…我餵佢,佢都要打開個口架。」
  7. 「佢個底唔好,暑假一定要由小學做翻晒英文的文法練習,而家香港的英文教學真係唔得嫁…」
  8. 「佢份人係慢d,考試時間過左一半都仲係做緊第一頁!
  9. 「多謝晒你地,我知屋企幫左佢好多。」
  10. 「呢個年紀,有呢d行為係好正常既,只要唔行歪路就得,所以我地意見係好重要,但係講左就算,佢唔聽你真係無符。」

家長問︰「佢讀文科商科定理科好呢﹖」

MissLee︰「如果弟日唔係做醫生建築師工程師藥劑師,咁讀邊科都無所謂…但係佢數理唔得,理科就唔好諗啦。佢個人怕悶,讀商科就有趣d;中史同文學要背好多野,佢唔鐘意背,就要諗諗。但係佢個人唔識轉彎,會考歷史問題好值接,佢容易應付,我驚佢讀經濟會唔明喎。」

家長問︰「咁,即係讀咩適合佢呢﹖」

MissLee︰「讀書睇興趣啦,佢未大定既,只要唔係想做醫生,弟日升大學仲有好多出路既。」

家長皺晒眉。(即係點﹖)

MissLee︰「唔洗決定住,返屋企諗下先啦。」

學生同家長遲早會發現,成績表上的評語同家長會的說話只係左抄右抄。學生,來來去去都係果幾款。

5 則留言:

瑪姬 說...

我有個fd,我問親佢專業意見佢都會出現以下的對話。
「我近排咁咁咁咁喎,到底我點好呀?」
「冇問題既,你做d運動會有幫助,保持心境開朗」
「我仲會咁咁咁架喎,又點好?」
「冇野既,你休息多d,飲多d水,唔好食咁多剌激性既野」
有時,問佢地既意見只為安心

MissLee 說...

同意,其實他們只想找個傾訴對像。有時家長打電話來問意見,我好像做了心理醫生,聽他們發完嘮叨就算。人家的問題我怎好代作主意呢。

Kyushu 說...

中四文理商分流, 過早替學生定型, 弊處頗多。

老師指出某某學生歷史地理國文表現較佳, 家長立即反駁「文科」出路較理商窄。君不見前港督彭定康歷史系畢業, TOM出版CEO劉細良中大歷史系畢業...

(立時向自己臉上貼金: 小弟曾於唸中六時自修會考歷史。)

誰不知個人興趣於選科有決定性因素? 但在香港, 有多少學生敢向家長說想唸文史哲?

cuiyao 說...

我未聽過老師會同家長講「多謝晒」,忽然覺得你係個好好0既老師。

eggsplash 說...

學生對你來來去去果幾款
兒女對父母卻是獨一無二
你這樣麻木下去不是辦法
新的學期將至
對學生會有改觀嗎