VIRTUAL REALITY (明報圖片)
唔好意思，我都仲係諗緊爆樓單新聞。
下面ANDY話覺得昨日的新聞頗好看。其實我都鐘意睇爆樓單新聞。係囉，點解呢﹖我回家時整程地車都在想。香港應該不只我一人吧，否則不用明報今日都做兩版新聞啦(當然，派了記者去，食得就唔好浪費)。
我諗起Baudrillard，虛擬與真實。實景的壯觀終放在我面前。但我又不如波氏話齋，沉迷什麼電視電影電玩電話，還是每天踏實地生活啊，網上的我與現實的我相差無幾，都係痴痴地。
咁係唔係911情意結呢﹖但無理由把深圳幾幢樓與世貿相比。又係唔係現實世界太完整，看破壞是人的本性呢﹖哦，到呢到，又諗到去Susan Sontag話，我地都習慣左暴力與色情，要進一步的感官刺激才撩動到我們的心窩，直至麻木。
回到家，揭開報紙，爆破大廈的震撼印在蘋果首頁的厚紙上特別醒目。好假。數幢樓宇安靜地橫屍沙地上等待解剖。想起小時候玩LEGO，大時玩SIM CITY。隨手可將之粉碎。
死，我仲唔係有潛意識的肉緊與暴力﹖(我最近係有點肉緊，去到小學部，成日捏細路，好驚俾人投訴。)
李太在旁說，車，炸到炸唔爛，咪又係要搵人拆~，渣唔渣D。
不過，我仍然覺得單新聞不需放得太前。昨天新華網也沒有將之放大報道。我們太大驚少怪﹖
VIRTUAL REALITY (明報圖片)
唔好意思，我都仲係諗緊爆樓單新聞。 
4 則留言:
這單新聞納入頭條，我估不離時間上是中國第一次(就像第一次上太空)和規模上(16棟都算多)。
因是第一次，有不倒的，有未爆開的，也是可理解吧。
我反而覺得有趣的，是附近居民無怨言(起碼整體上和在鏡頭前)的收拾細軟，還自費租旅館。
在香港，政府要搞掂附近的居民，「郁」佢地，幾乎是不可能。
In fact, I was referring to the whole news that day, not particularly this one. e.g. I quite enjoyed the Pakistan Bus report...
湯SIR，中國第一爆，無計!面子在上，個個都聽聽話話。
ANDY兄，銷你，不過都係無計!下次小人會避免斷章取義的了!
雖然是第一炸, 但我同意李太既講法, 渣唔渣D? 雖然是中國第一爆, 但世界各地都爆過樓, 應該有很多前例可供參考, 難道中國還是閉門造車?
實話實說, 若911不是尤關人命, 我相信大家也應該會看得很開心.
我想內地居民還是「以國為先」, 對於保障自己本身的權利還是沒有香港人精，港人精神:「寧天下人蝕俾我, 勿我蝕俾天下人」
發佈留言