2005年8月20日

連鎖怪癖

為什麼大家會看到我的BLOG呢﹖李府已經兩天連接不到所有BLOGGER了,包括Miss李與李小朋友的電腦也看不到!還以為是BLOGGER故障原故。當然也無法留言和回覆了。請伸出援手打救!

承蒙即將大婚的星屑醫生錯愛,在此公佈本人怪癖一籮,包括︰

  1. 李太提供︰「早餐一定要食麵包(插咀︰煎蛋火腿都得)囉,食中餐都唔得。話左食麵就唔可以轉食飯,雪櫃剩左d乳鴿都唔食。」我決定了吃什麼便不可以轉,否則會發脾氣。通常是要吃麵包與烏冬,沒有第三樣,寧願專誠落樓買材料回家弄,也不吃冰箱剩下的九大簋。
  2. 路人丁提供︰「鐘意捏人同咬人,仲有尖叫。」我歸因不懂得表達情緒,好緊張的時候便會以捏同咬來發洩,李老闆幾十歲人都有同樣怪癖,所以個女都係咁。響學校成日捏肥仔就唔在講。尖叫,我就不承認了。心情煩悶時我只會對著枕頭尖叫,大家應該聽不到的。
  3. 李小姐自己話︰「咬手指囉,咬到d皮飛下飛下同流晒血,由細被人鬧到大。指甲長了小小便要剪掉,指甲唔夠長,又一忽一忽,一直想搽白色指甲油都搽唔到,費事被人笑我細路扮大人。」
  4. 「仲有飲完紙包飲品,如果包裝仍然響我面前,便會慢慢將包裝紙撕掉,見到裡面」的膠膜同銀色紙,抬面就剩番爛晒的包裝。
  5. 「最鐘意同人傾計時將耳環同取環托開開合合,年中跌掉了不少耳環托。」

其實仲有好多喎,例如鐘意delete東西,一次連部電腦都deletedown左。記事簿無用的頁數會撕走,等本簿薄d。朝朝早餐都係火腿芝士三文治,飲咖啡來治傷風鼻敏感。坐巴士要坐上層車頭。鐘意儲Starbucks的隔熱holder,仲有響酒店擅取memo紙,都唔知算偷定美其名怪癖了。

有時以為自己又怪又獨特,其實是未找到知音而已。

無法留言的關係,見字者請自動獻身,公開5個怪癖,再將怪癖散播開去,功德無量。

Mushroom 應該一個比我更多怪事的人。

日不落 次次食飯食到一半就眼睏,咁怪,我點約你呀﹖

Florence 這陣子她好像忙一點,不知有否時間分享﹖

思存兄同Tale兄,食完飯,幫下手啦。不過我又唔想留言破壞你們的blog,自動獻身﹖

7 則留言:

日不落 說...

呵欠 ~~~~~~~~~~~~~~~~~~~~~~~~~~~~~~~~~~~

MissLee 說...

你唔聽話呀吓,見你家長記你缺點罰你洗廁所!仲有,我唔比貼紙你呀吓!

MissF 說...

係喎~我都係由細到大成日咬手指,不過近一兩年已經努力戒掉中。

思存 說...

又唔好話"破壞"~ 你歡喜的話, 日日來"破壞"都無妨~

但你把我想"點"的人先下手為強點了, 咁我點算好呢~

日不落 說...

Miss Lee, 唔好濫用職權喎!我識得人係唔知邊度做,可以投訴教師o家!

MissLee 說...

思存兄,繼續點佢,點到佢醒為止啦!d人點極都唔明,仲話要投訴人啊~~~

日不落 說...

呵欠~~~~~~~~~~~~~~~~~~~~~~~~