2005年10月11日

中大普通人

假期裡收到「中大校友」。我叫這本小書作「俱樂部」雜誌,我是當然會員,卻又難以與雜誌產生共鳴。像今早有「幸」途經馬會,那陣高級的冷氣味撲過來,彷彿間忘記了自己為何在此,只想迅速逃離現場。

校友刊物的稿子都關於奇人奇事。出人頭地是當然訪問對象,內容則常以職業區分。過去幾十期的主打包括「中大烽煙主持人」、「環保中大人」、「法律中大人」、「警界中大人」、「抗炎(SARS)中大人」、「航空界中大人」、「新聞主播中大人」。幾時整個「教育界中大人」或「博客中大人」呢(應該投Florence一票)﹖我覺得做中大校友的編採都不是太難。

當然,突然跳樓撞車死亡也能當上雜誌裡悼詞的主角,年近四、五十又是中大校友活動的積極參與人士,都是刊物的常客。我時常覺得校友就只有殷巧兒呀俞靄敏呀香樹輝呀咁。

今期又話殷巧兒女士當選中大評議會主席。究竟中大評議會是什麼來的呢﹖我只知道評議會常就大中小教育事務發表意見調查,但影響力有多少﹖而新一屆的當選委員的畢業年份竟是6字頭和7字頭為主,就更令我覺得「中大校友」似俱樂部了。你可以說MissLee是當然會員,咁多口水就不如積極參與校友事務囉。

不過,我既無興趣 / 資格穿套裝GEL晒頭影封面,也未打算跳樓以謝天下,不如自己寫番篇「校友近況」,來表揚我這類「中大普通人」的威水史。

MissLee(9x新亞新聞,0x文化研究)

李校友畢業後便在社會載浮載沉,專注遊銅鑼灣超級巿場,亦是亂噴口水的高手。李校友近年積極參與教育事務,包括拼命批改案頭上的學生習作,鍛鍊家長日口角必勝秘技,並正籌備創作成績表學生評語,不日推出。

李校友最近在自己的博客慨嘆時間的流逝,青春不再,決定三十歲前成就一番大業,不過目標未有。」

我覺得我都可以代表中大囉。

16 則留言:

匿名 說...

Nice blog. Your posts were interesting reading.
I have a psychic love reading site. It has psychic love reading related info as well as astrology, numerology, and tarot card readings to help you find your soul mate or lost loved one. Please try and visit it, see what you think.
Rod

Eric 'Spanner' 說...

都係中大出身。不時同身邊o既中大友好講,《中大校友》應該做下「失業中大校友」、「唔長進中大校友」、「窮到死中大校友」、「半紅不黑中大校友」等專題,先至顯得《中大校友》唔只歌功頌德咁簡單。

而評議會「關心社會」之舉,不過係近兩三年o既事。佢正業應該係,向大學發展建言之類。而後生校友選得成評議員,唔容易o架,詳見我寫o既記事:
http://eric-spanner.blogspot.com/2005/06/2005.html

Pi 314 說...

Umm... Miss Lee, according to your CV, you are >= 28

Some more topics can be included in the magazine:

"子女不讀中大o既中大校友"
"做小販o既中大校友"
"屍位素餐o既中大校友"
"被踢出校o既中大校友"
"由朝到晚中大中大o既中大校友"

Anyway, the magazine is free.

MissF 說...

前幾期,當我看到一中學同學兼大學同學因成為了作家而出現於「校友近況」一欄時,也有一刻想過自己將會有什麼成就可以榮登校刊的一小角。想著想著,還是叫自己不要奢想吧!

K. 說...

也是非俱樂部會員的中大人(看來博客中大人不少呢。),每期《中大校友》從信箱到垃圾箱的過渡期不過五分鐘。

日不落 說...

樓上的k說:每期《中大校友》從信箱到垃圾箱的過渡期不過五分鐘。

無錯。

最近為了親親大自然,改為訂「閱」《中大校友》網上版。同樣,《中大校友》網上版由電郵收件箱到垃圾箱的過渡期不超過五分鐘。

匿名 說...

我也不明白為何這麼擦鞋的校友刊物也可以出街,有一期講中大畢業的政務官,一些公務員圈中著名的廢人,在文章中變成勤政愛民的公僕。天呀!

MissLee 說...

雖然中大校友好公關,又好難令我產生以中大為傲的感覺,但我仍然好俾心機睇嫁。上佳的厠所雜誌。唔睇仲唔環保,睇電子版就即係叫我唔睇囉。

可能有些從事公關的人真的細心閱讀也不定。

肥力,原來我有同事識你嫁…估下係邊個…

MissF,唔緊要,自己寫番個,一樣開心,網上都好多人睇!

MissLee 說...

參考肥力的文章,如果評議會真的如成立之初祈起動監察校政的功能,便不會淪為今天的小數校友俱樂部,成為小撮人胸口的襟花。

不過,非常欣賞黃世澤兄曾戰評議會。縱使是輸,也要以輸來顯露制度的荒謬。

Eric 'Spanner' 說...

搣匙,請問呢位同事係教書界定係記者界?

Mr.Tong 說...

一間校友會刊物又點會講寒酸校友,相信各位都係講下笑。o個d校友會聚餐,你唔係乜師物師(教師除外),自己都無謂去,所以,又係班高質素校友聚舊,互送吉片,獲取social capital的時候。

中大道友 說...

http://kot01.blogspot.com/2005/07/7.html

chanchan 說...

我都係咁話,改訂網上版,就唔會睇。我有時都會好比心機睇,睇吓有冇同學已經成為名人......

MissLee 說...

v葛生,收到啦。祝旅行愉快。

肥力,貼士呢 - 教書既、中大既。

湯sir,所以我最怕去大學的系聚餐,真係一次都無去過。同學都說不如自己約出來吃飯好過。

PI: 都尊重下我係女仔呀,年齡係女人既秘密,尤其係老師既秘密!

Eric 'Spanner' 說...

我班中大書友、學長、學弟入面,有三個教中文,兩個管圖書館,一個教humanities……一對手唔使都數晒……

Frostig 說...

師姐﹖﹗
I don't expect to be different lor, haha.
CU alumni...