2005年11月13日

好痕

這一刻我的腳踝癢得很,那裡長了很多小水滋,是前半小時心裡突然抽搐緊張然後生成的物體。把小水滋抓破,一個個血球生了在皮膚上。最後把惡毒抓破了,流出膿毒,身體就放鬆起來。 所以決定以寫blog來排毒。 *** 煲呔問,你地班人仲反咩姐﹖ 其實我們不是在反什麼,我們是想建立什麼。政府一次又一次轉變討論普選焦點。來個原地踏步或者一拍兩散,立會夠票不夠票,誰能上京面聖又猜度一番,現在又討論什麼上議院下議院,究竟我們要什麼﹖這個應該很清楚。既然0708已無可挽回,那就2012吧。民主派也好香港巿民也好,不抓清楚重點,繼續讓煲呔兜彎又兜彎,很快立法會通過方案,多幾個陳日君都救不了香港。 *** 就像週六家長日,我又中了家長的計。明明是學生犯規,家長來個道理大迴環,個衰仔又資優又情緒不穩你地學校通告又唔清唔楚,MissLee都過五關斬六將一一推卸,糾纏到最後家長一句我個仔有錯我地家長有錯,不過其實學校都有錯,可唔可以唔記學生小過﹖ 我怕煩,講了句「考慮下,睇下點」,大家happy 打圓場。其實應該學前輩話,「學校有錯罰學校,學生有錯罰學生」。規已犯了,現在來一個校方處理程序不當想推翻判決(我也不覺得學校有什麼做錯了),你以為學校真係社會縮影﹖MissLee係應該堅持立場,如同堅持普選有理一樣。 *** 教了三年書,我喜歡以一句「個仔係你既,唔關我事」來自我麻痺。校服唔合規格,母親大人以「校方去年執法不嚴」來替子女辯護;個仔態度差,因為佢資優囉;老師,你千其唔好咁大聲鬧我個仔,佢會憎你唔鐘意上你堂。連個仔成績唔好都話我地教蠢佢既家長都有。不打緊,個仔係你既,佢弟時唔養你唔好入我數囉。 *** 答港燦提到︰根據同事E提供的教統局通告指,凡在教統局註冊的學校,仍可獲豁免複印12份報紙及14份雜誌作校內教學用途,唯複印量不可超過校內學生總數的五分一,兼每月結算及傳真複印紀錄予香港複印授權協會。而教科書一向不在可複印之列,相信與其商品性質有關。

9 則留言:

hayley 說...

我有個同事成日講:「我對住佢(指學生)就三五年,好彩d就七年;佢(這次指家長)就要對住自己個仔/女成世...;佢唔教,我就只可以盡力教佢三五七年囉...佢都唔緊張,我緊張極都無用...第時我又唔駛佢(指學生)養...」

我心諗:「真係珍珠都無咁真。」

eggsplash 說...

不同意你們的觀點
如無意外
班父母會死得快過我地
我地仲要對住佢d仔女
佢地教仔女教得好唔好
好關我地事

都係我朋友講得啱
若果真係咁忙
無時間教
生仔女做乜?

eggsplash 說...

你寫水滋個part好核突...
搞到我隻腳都痕埋

同事閒人 說...

前輩教落,"嘩! 你一個仔都教唔掂! 我班有成40人,1/40的精力,有咁o既結果,算係咁咯!" ~

MissLee 說...

所以我自力更生,最緊要識字,有錢自己收埋洗,衰到貼地都懂得申請綜緩,你班細路攪到個社會亂七八糟都好,總之唔好燒到我!

腦裡都係一停泛起馬傑偉果句,同學生接觸要保持安全距離,太貼身上心會容易自焚,攪到自己心緒不寧生水滋…

hayley 說...

係係係係係...

最初我當學生係自己細路...搞到我宜家(十分堅決地)決定永不生小孩。

港燦 說...

多謝老師解釋版權條例。

現代的家長把自己與老師的關係完全視作顧客與服務員的關係。明知顧客的要求不合理時,做服務員就敷衍他,打發他走,然後忘記他算了。

今日今日咁既服務態度是需要的。

Frostig 說...

Those 12 newspapers, and esp. those 14 megazines are really useless for classes in school.

Where is 'Yellow Bus' and Apple daily + Oriental (content analysis, and negative role models ma!!!) ???

MissLee 說...

YOU KNOW APPLE DAILY AND ORIENTAL DAILY DO NOT EVEN JOIN 報業公會!!!