2006年3月2日

招聘

又係老麥。佢請人,還聲明5月將在灣仔開分店。如果我剛畢業,機會成本低,真係會考慮。那時我也有想過到Starbucks當見習生。你說我現在還可拋下包伏﹖如廣告所說,邊有咁浪漫。所謂上班嘛,最好你睇我唔到我睇你唔到,俾我靜靜地完成自己的工作,最好。

我應是有點自閉的。

***

今日明報話︰「2006年行政長官選舉及立法會選舉(綜合修訂)條例草案》下周三(8日)將提交立法會,進行首讀,當中建議若只得一名特首候選人,800選委會仍須投票,若支持票不超過有效票數一半,便要重新開展提名程序,重選次數不限。」

咁即係話,總之中央喜歡的只有一個,你班友仔唔鍾意選唔落手都好,我都係俾呢個你選,唔選就自己慢慢嘆程序,直至你投降收貨為止。係咪咁﹖

不過又咁,萬一出年曾蔭權出選,班左仔玩野唔俾票,中央又會唔會唔出手干預先﹖玩,都唔敢玩到咁大。

所以報紙又話︰「若因上述情況須重新提名,須在42天後才可重選。有記者問到政府630日換屆時,是否可能仍未能選出特首,(政制事務局副秘書長)黎以德初時多次強調以香港選舉文化,出現這種情況的機會微乎其微,但當記者再三追問,他才說政府初步研究,認為可根據《基本法》第53條,可由政務司長署任特首來解決真空期。

但又不過︰「至於政府一旦換屆,政務司長等主要官員的任期已畢,黎以德說﹕主要官員任免也是中央決定。他說,有關問題曾與中央政府溝通。」咁你個方案就諗清楚先出台囉。

5 則留言:

yyl 說...

可能我合適wor


我都怕自己一天會熱血不再
而且做代課恐怕一世無婚結
(我朋友都為結婚轉行la)

jim 說...

咦,應徵要寫一件自豪的事,都幾得意o窩。Ms Lee比個blog link出黎就得啦。

MissLee 說...

YY, 你文筆好,唔洗一憂,俾心機啦。

占兄,你都得喎,要維持你咁高產量,好難嫁。

jim 說...

Ms Lee, 我係一個極度鍾意講既人黎架,如果唔係有網比我講,我諗我已經悶死同煩死屋企人 :)

一家長 說...

作為老師請勿亂用自閉