2006年10月17日

靚菜時光

許多人說過,習慣了最差的,就不知什麼是最好。媽媽在吃我跟公司同事訂回來的白菜西洋菜,彈彈菜莖又幼又硬,評評菜葉多洞又有虫。儘管這些是我在家用以外額外付款購買的有機菜,但李太站立洗菜的時間比以前久,剛勁硬淨的菜莖要更多煤氣來煮,她就叫我不用花錢了。

這是有機菜啊,我跟媽說,你難度明知靚菜來自農藥也照吃不誤嗎﹖你呀,媽說,在公司做環保好了,不要把環保也帶回家,煩死人啦。只有那幾款菜,果日想食西蘭花都被迫食白菜…農藥帶給我家超逾廿年的靚菜時光,我們像吸鴉片般迷上了。

不過,媽和我現在都懂得說,香港最大的溫室氣體排放源是電廠啦,呵呵。

***

我把盆裡的百里香與種子包上的相片對照,發現真的葉子與相片中的差不多大小比例,就摘下葉子用來炒蛋吃。我只能老土地翻炒說話︰好味啊,好香啊,好有滿足感啊。

7 則留言:

Alex Yiu 說...

Nice photo, which just match the weather of autumn, the leaf cover the beautiful sun.

sunfai 說...

一步步啦, 令壽堂慢慢會多些支持鼓勵的。 我阿媽家陣係屋企自己搵個盤, 搞咩無土有機種植, 種青瓜呀....... 都唔知有無俾人呃。=P

必須承認, 無論甚麼規模的耕作, 都會令人憶苦思甜。

Eric Spanner 說...

呢度我又有少少唔樂觀。畢竟四五字頭輩係工廠年代大o既,方便、平o野、靚o野好係佢o地o既核心價值,大過班後生講o既乜乜環保。呢個係我對媽子咁耐o既小小心得。可能真係要先由另一o的核心價值入手,例如慳儉。

熊一豆 說...

係呀,有機菜啲菜味真係好唔同﹗﹗好味﹗
靚菜時光都仲有得望,靚蛋時光就冇咯。冇打針走地雞下的蛋。

MissLee 說...

呢,李太今晚煮翻普通芥蘭,佢就好高興咁話,終於食番[林]既菜啦。真係吹脹。有D野真唔係錢可以即刻解決到。

sunfai,種青瓜如何無土又點解會俾人呃呢﹖李太(同李小姐)想問吓喎。

肥力兄︰有機未有巿場,都係貴d嫁啦。又,唔洗用分析框架黎睇咁大件事喎。一句講晒,個女家用俾唔夠,豪唔起。李太的用語係︰唔通窮人唔洗死同會食死咩。

一豆︰雞蛋真係無望啦,連新鮮雞都無得食。李太今晚隻切雞,都係雪既!!

匿名 說...

曾在有機種植機構短期工作, 認識愈多, 反而對有機農菜愈不以為然, 太奢侈太浪費資源太階級化太做作了, 保護土地是應該的, 但去到那種絕對化, 追求那所謂的百份百, 連一粒外來種子也視作洪水猛獸的封閉態度, 對一般蔬果嗤之以鼻, 感覺有點不食人間煙火的味道, 也對不起萬千辛勞耕耘的農夫.

MissLee 說...

我同意環保不等於聖經。的確有非常激進的環保人士, 以為真理在我手,就可以漠視現實。相反,亦有些人覺得環保與經濟發展對立,覺得環保人士阻住地球轉,則是未能反思現狀。各大五十大板,我沒有既定立場,不過希望行每一步都有所反思,不要宥於既有立場。