受傷小童的星期天
受傷小童的偶像
每一次有小朋友受害，躺在醫院裡，問他們有什麼願望或想見誰，一定想見明星歌星。今次刀下逃生的賢仔一樣，要見陳慧琳劉德華。陳慧琳充滿愛心也很懂宣傳，立即到醫院探望賢仔。
這令人想起每隔一陣子的京港台年青人偶像大比拼，佔香港年青人的偶像排行榜頭幾位的通常是明星歌星。兩岸三地民情各異，對偶像定義不同，無謂比較高低。
小孩是否要有偶像﹖最怕小時候被人問這個問題，因為腦袋對偶像的定義就是明星歌星!答得尷尷尬尬，問的又無無聊聊。記得初中終於將張德培歸為自己的偶像時真的鬆了一口氣，能夠與人有問有答。每年去一次維園看看波，訂閱「奪標」雜誌而不是電視週刊，自我感覺十分良好。
為什麼小朋友不想見曾蔭權﹖Purple姐姐或者阿濃何紫﹖
受傷小童的禮物
賢仔今天在區議員陪同下，以爽朗的聲音感謝各方連日來的關心。遮掩著賢仔臉龐的是米奇老鼠玩偶。巿民送來的禮物好像也有包括Toys Story的玩偶。迪士尼效應銳不可擋。
今天的明報副刊其中一個創作(好像是我同事做的…)，是統計一個小時內旺角地鐵站有多少與米奇有關的東西出現。結果︰一小時內共有208名路人穿戴著印有迪士尼符號的物品，如米奇、米妮、唐老鴨、小熊維尼等的T-恤、雨傘、袋等。
我必須自我申報相當慚愧。正備課九月開波狂插批判迪士尼，也修讀過迪士尼麥當奴等文化侵略單元想像，不過星期六晚無記播映的半小時香港迪士尼特輯時，就算本已抱著「睇下你點呃細路」的想法去觀看，最後也心思思想去試一試。
6 則留言:
1. 香港反迪士尼大本營，首推好 in 既 media。問題係，我們是否想孩子們響迪士尼曬左一日出番黎後覺得內咎 / 搵笨 ?
2. 陳慧琳同香港的上市公司一樣，保持高度潮流觸覺。97 年只做地產、到 99 年轉行 "搞" "高" 科技、之後兼搞中藥、生物、物流、賭場、珠寶店，最近搞埋國內彩票網。
由此推斷，Kelly 不久將來一係與吳卓羲同欣宜做 06 世界杯 / 08 奧運之星、一係再同曾太上酒樓推銷淡水魚 / 加料叉燒。
Kelly 會否探李麗珊順便契埋佢個女 ?
世界傑青，當之無愧。
3. 房署可否做下好心幫然仔換個新公屋單位 ?
港燦：冇辦法，煙media搞手之一阿聰頭，一早寫o左搣匙李搵到o既土砲（另一個係唔知而家光唔光頭o既施鵬翔），本身已經走唔甩講下呢題。更何況，o個度已經變o左0.4個社運台，冇計。
之不過我都同意，本地社運界畀得現實來，未能夠畀到歡愉過班升斗市民o既——「我想開心，你畀o左血汗工場我之後，你有冇一個公義o的o既開心地畀到我？」。或者因為有心冇力，亦或者係一種集體沈鬱o既反射，因為o係香港搞社運o既，比尋常o既香港人，年中遇到o既唔如意o野可以更多。
聽講，國外有人做緊比較「理想」o既開心地。唔知有冇人講？
不妨又細品inmedia另一旗手o既報導。
細路響迪士尼覺得悶同無聊也不會懂得歸納自己的心情低落。每天都面對有心無力的情況，我都好唔鐘意唔係咁樣可以點樣的心情。
李老闆一早教我世上無樂土無平等無公義，但阿女，要出聲。所以知道有同事參與昨天獵奇行動，我覺得有點低落，因為我沒有她的勇氣行動與毅力去知其不可而為知。我慚愧自己躲在辦公室寫blog同教書。我有一刻自己無咩用的感覺。唔好唔記得我教的是公民教育之類的東西。我昨天最威係捐左廿蚊比街工。
無人聽都要講，講左就對得住自己，我會恥於做縮頭烏龜，最睇唔起擦鞋仔。
同事E，共勉之。
明知不可為而為之的代價確實很大, 但我還是很享受能為自己說話所帶來的快感!
Anyway, 很多謝Miss Lee!
賢仔話要睇明星咪好LOR
如果佢話要見馬克思
你話點算
有時，藝人都騎虎難下。。小孩子擺明經傳媒作媒下向全港700萬市民講想見陳慧琳，難道在這情況下kelly 仍可耍手搖頭唔去咩。。
發佈留言