女教師

這 陣子的女人新聞真令人瞠目結舌。一時有議員爭取女性每月經期都有勞工假，一時又一班女教師向全世界高呼芳心寂寞。女人仍然甘心將自己變成他者，劃清自己與 男人的分別，爭取特權。又不見男性更年期要放假，地盤男工說找不到老婆﹖能否與男性平權是自己的心態。女人自私，最好的都要歸於自己。

Hehe，我寧願做小女人。

眼見班女教師出來，心裡吔，矛盾得很。奮力爭取自己的愛和幸福喲，是多麼的勇敢和充滿時代氣息，簡直是21世紀女性愛的典範。但係姐仔呀，教書既，出來話「我空虛我寂寞我凍」，我真係驚返到學校，咩專業形象都無晒，萬一個幼稚園學生問︰「Miss-y，你好恨嫁呀﹖」我都只能答︰「係囉。」真係笑爆咀囉。

做Miss-y既女人，慣左鬧人同指點人，幾難攪嫁。講開又講，平時教完一日書個樣殘到嚇死人，堂多果日仲要踢對波鞋算數，我唔會日日都著高踭鞋咁靚女嫁。

識唔到男仔，都係有原因既。個協會話，會與警察、工程師、消防員協會等合辦聯誼活動就真係…咁有七十同八十年代feel，好純情囉。試想，一個事業有成有咁上下情趣既工程師仲未有女朋友，更要去教師協會舉辦既社交舞班識女仔，套用姐妹們既邏輯 – 真係好打極都有限。咁純情既男仔，我唔要囉。

嗱嗱嗱，有時，我係既矛盾又迂腐。