2005年6月13日

工作紙圖像版權

WEN JIA BAO Posted by Hello 講開版權,教書的常「借用」報章相片或裝飾來「美化」工作紙。現在的學生都好醒,印多兩頁參考書當然不是出版社教科書)或報紙都會問「你有無侵犯版權﹖」學校有向報紙買使用版權,好像印少過書的十分一及學校人數的某個百分比之內都可接納。你可以話我教書都唔尊重版權(正如我成日俾學生見到我朝頭早衝紅燈…),但基本上我好少顧忌,大佬,教書姐,quote晒source,非商業的教育用途,告我都無符。特別我們做校本課程,學生已鬼殺咁嘈話無書,張張notes飛下飛下,仲要成版字無圖﹖簡直趕客。 我又好忍唔到勁可愛白痴的公仔,除了用Microsoft的clipart外,最近教貧窮發現了RiniArt,圖像用作非商業及支持公民力量的活動應是免責的。近作是將溫家寶個頭用PhotoImpact加藝術效果放落工作紙,娛人自娛。 *** 星期一的男人好唔得。放學時在地鐵先係俾個阿生用背囊撞,後在天后某阿伯望後唔望前,一轉身就成隻前手臂飛我個肚到,過兩個街口另一個阿伯既手肘撞落我手臂。 真係唔知究竟係人地失魂定係我「倫盡」。

2 則留言:

Andy 說...

I hate people don't put down their 背囊 when they come into the MTR. No wonder Harrods doesn't allow people to carry 背囊 in the store.

brian 說...

我認為版權這東西有利也有敝,
雖能保障著作人的權利, 但也有很多濫用的情況,
做成商人的片面利益, 以及文化散播的障礙等問題.