2005年12月29日

踢館

(養眼) 李太笑,被人踢館啊呵。她心裡沒有說出來那句是,抵你死啦,平時份人招招積積。用字嘛,都是老薑辣。 講被踢,吾等黃毛小子拍馬都追不上其他大bloggers。寫不出有份量的文章,想有人看也難,何況被踢。放假,回覆各家之言當寫作練習,甚為有益;換作平日,備課的精神也擠不出來,更不要說要與高手過招。 我在下面的回覆說,自小便怕與人爭辯。中學時代,上台演講,頗有台型,因為事前能好好準備,加上樣子招積,戚眉戚眼,勢頭搭夠。但從來都怕辯論賽,特別記得第一次出賽便與國際學校對壘的窘態。即時對台,被人打得落花流水。欠缺內涵素質,是「台型」無法彌補的。 工作數年,認識的人多,便知世界之大。但聲音在耳朵四周團團轉,一堆人在自說自話,各走各路,又激辯勉強對方接納自己的觀點,何苦。好像有些人聽看陶傑,邊做邊罵。他有時無聊又吹水,但過癮抵死,少一點幽默感的,又何故要作賤自己。試過有一年學校只代訂某報,其立場我讀到爆血管,自此不揭。家裡有數本週刊也從不翻閱。 思想的交差點不是不能匯合,但要花費的氣力實在很大。要把兩條大纜拉近,也不錯啊,為何一定要交合呢﹖這幾年學懂了,我的話,你接受也好,不接受也好。就像愛情,又怎能勉強呢。

14 則留言:

藏鏡人 說...

做左好耐cd-rom,興之所致,多口講多句:

試試置一塊匾,上具「新亞病夫」四個大字,想食紙的人,排住隊的來。

有飯唔食,為何硬要食紙呢?快快活活又一day

藏鏡人 說...

你講開踢館,令人想起《精武門》。
故有此感想而已也。

Eric 'Spanner' 說...

《精武門》……出年賀歲檔有《霍元甲》。

另,爛quote:「今次要你食紙,下次要你食玻璃!」

Martin Oei 說...

踢館踢得太多,會腳痛,這是一個自小踢過n咁多間館的人的肺腑之言。

sidekick 說...

呵呵~ 李太真幽默~~ ^o^

"小踢"二字是blog 友fox 幫我改的, 之後對個"踢"字就變得較敏感~~

辯與不辯, 要視乎自己便與不便(畢竟, 時光有限), 亦要辨辨對象是何人, 是否值得、是否需要.

祝06 blog 得更高興! :)

TSW,或鄧小樺 說...

miss lee:

素不相識
偶然路過
雖然太遲
也喊幾聲:

上上上上!

鳳凰藍 說...

Miss Lee,
雖和你素未謀面,不過我很喜歡看你的blog呢!:-)我以前都做過老師,剛看完之前那位C家長的留言,唉!真係……駛唔駛啊!!!不過,世上總有一些這樣的人,難得你當一切只是寫作練習 ;-) 很佩服你份樂觀心!

祝新年快樂!:-)

eggsplash 說...

嘩,下邊個PET野
睇到眼花花 @_@

我也不喜辯論
"思想的交差點不是不能匯合
但要花費的氣力實在很大"
真是說到我心坎裡了

jim 說...

「踢館」應該係指立心搞破壞,破壞你個blog. 例如,明冇講都走黎罵餐死,暫時未到這地步,都係唔同意見交流o者。C家長第一個留言係激D,之後都講理啦。

MissLee 說...

鳳凰藍,世途險惡,家長仲難攪過學生。時常提醒自己,個仔又唔係我既,自己盡左力,佢地兩母子、母女行成點,就睇佢造化啦!我有時都覺得自己過份樂觀就會變成太天真、太理想化,在江湖混吉真係會讓人恥笑!不過我在2006的motto係再樂觀d,move on!共勉之。

蛋蛋,好彩我放假,唔係無時間覆,人地又上綱上線話我係縮頭烏龜,你知,真係咩人都會有!

Jim兄,誇張左,大家開心下,無惡意!不過佢搵野o黎講都話講埋,都話過要向你學習,時刻銘記包容!(真心話啊!!)

藏鏡人、肥力,我…學瑜伽…踢野就留番俾小踢啦!

多謝Martin兄在下面解釋大班資料搜集員之工作。多謝TSW大架光臨,小人之榮幸。

祝各位2006繼續合情合理,牙尖嘴利!

熊一豆 說...

misslee,點止要養眼,仲要養氣。我更明白了家長日可以是多難熬的一天---如果不幸的話。
不同語言基礎、層次的"辯論",則更不幸,辯論之雞肋。
睇完有關科學數據支持的新留言,笑鬼死咗,我。
年近歲晚,笑一笑,是好的;假期矜貴,善用善用。

MissLee 說...

一豆啊,我都係咁話,都唔知佢有無相關討論背景,一個講南一個講北,這樣的"討論"真的很浪費時間。夏虫不可語冰,還說我們聯手砌佢,唉…

思存 說...

我睇到科學數據都笑左出來, 可能我都仲有少少幽默感剩低... misslee真有毅力, 是否家長日訓練有功呢~ 新年快樂啊 :)

Frostig 說...

Ya! If they accept it, agree with you, then it is the best scenerio. If they don't, let it be.