2006年5月26日

一天

上夜學前到大快活吃個豬扒包加雞翼加粟米杯加咖啡都不過廿二元。我攤開報紙,就像四周的叔伯兄弟。我就像個阿伯般,一個人霸四個位,在大快活快餐店嘆報紙。

***

最大快人心新聞是陳水扁女婿趙建銘被捕。陳水扁像每個經歷更年期的中年男人一樣,說話愈來愈瘋癲。早幾日那句「罄竹難書」只是扁政府「露底」的冰山一角,教育部長杜正勝亂說話的臭史也一早給亞洲週刊數乾數淨。如有興趣踩扁扁,每週追讀日月的南方朔專欄就是了。

趙建銘被捕,陳水扁不可謂不心狠手辣,為保支持,不惜大義滅婿。貪心的人落荒而逃,固然大快人心,但台灣社會的亂狀叫人唏噓。民智墮落,指鹿為馬,不知這是否中國人的專利。

好像也是在今天的明報看到有人寫,縱使馬英九被對手指摘只靠「小白臉」上位,但其長期提倡不沾女色金錢維持清廉的作風,委實也需要世間罕有的鬥志。花言巧語的政治,何時才能回歸到最基本的以事論事以民為本﹖

***

每每到放夜學的時候,我都問自己,為何要臨老學吹D打走去重頭學一種語言﹖十年又十年,磨練得來我都步入中年了。死佬,都係你害我。

8 則留言:

sf 說...

唉, missy在玩文筆喎. 越來越得呀吓.

咁, 那個死佬係邊個0者?

Eric Spanner 說...

犬儒o的講,爭權上位呢家o野,從來都係總體戰。好多人都係有位入就入盡佢,例如,可能有「評論員」借題發揮,話連串事件同「搞獨立」有不可分割o既關係,甚至滲出島上元首應該係位主席兼書記o既氣味。

就算唔入盡,一樣有各式專家話你蠢話你以退為進,例如,評論馬英九擒日話而家唔係適當時候搞罷免。「你估佢真係唔想而家嬴?阿叔話過你聽,以退為進咋!」

匿名 說...

可能死佬不是一個人

而是一張飯票

呵呵呵

MissLee 說...

船山兄︰無料到,先玩文筆,明乎﹖

死佬者,死左既佬是也。理佢係張飯票,定係人呀。佢唔死,我一係整死佢,一係當佢死左囉。

佢唔死,我點有得復生啊﹖

肥力,評論員好似無響佢自己到寫喎,第二到就唔知。政治呢家野,佢地玩巿民姐,局外人其實難以知道裡面有咩交易,真係佢行一步,我地又哦哦聲睇佢地行咋。

breeze, 學法文囉,好鬼多野記。無秘訣,只有勤力兩字!日文學左十年,仲成舊飯咁囉我。

匿名 說...

大家可能會覺得我有D包拗頸
其實陳水扁都算自律
而且目標明確(獨立)
只是棋差一著,沒管好身邊的人
現在不是大義滅親
而是火燒連環船
如果佢肯好好搞搞民生
也許這些問題都不會燒到他

我想起大陸有套反貪版
忘了名字
男主角很清廉
於是大家就塞錢比佢老婆
同埋買好多貴蘭花比佢智障GE女去學畫畫
佢懵吓懵吓就貪了污

匿名 說...

陳水扁今次都好難為自己洗脫了, 唔通話寢邊人係點既人都唔清楚咩. 如果話相錯女婿, 咁, 又會唔會係另一種物以類聚呢? 如果真係一個強調清廉既政府, 早到收到風啦? 點會俾機會d皇親國戚座大? 基本就腐敗極了.

Eric Spanner 說...

我想講呢,「評論員」唔係特別指某個,或某幾個人囉。

MissLee 說...

匿名者, 所以我覺得除了健全的制度要緊外,執行人的心態和修養也十分重要, 否則制度只是攀附權力的工具。