2006年1月2日

今日新聞真有趣

無記今晚6點半新聞真有意思。 醫生警告小朋友過胖,會引致不同的疾病,建議從改善飯盒種類入手。媽媽在鏡頭前說,由得小朋友自己挑選每天的飯餐︰「你幫佢揀,佢咪又係揀晒d菜出黎。」好像在說肥就肥死佢啦,媽媽真有意思。不知上鏡但之不過其實唔係好肥既小朋友,週二上學會不會給同學取笑呢﹖ 又有調查指小學生情緒低落。受訪小朋友表示學校功課多,測驗考試壓力大,阿媽又係「常哦」。阿媽話小朋友面對壓力,晚上經常失眠。調查機構則指殺校潮令學校加倍催谷學生,增加小朋友不必要的壓力。 我學校就相反,要求學生自動自學,於是學生就自決唔學。家長成日投訴功課測驗不夠多,學生太空閒,養到懶晒。現在才回頭「催谷」,為時已晚,多給兩樣功課就給面色你看。針無兩頭利,能自動自覺懸樑刺股的學生所餘無幾。有同工更嘆謂互聯網的出現,令學生以為什麼知識也是垂手可得,刻苦耐勞已過時啦。 唔信﹖還有另一單新聞,謂物業代理的專業試,合格率由零三年的接近六成,跌至零五年的接近三成。在去年兩萬多名入行的新代理中,二十出頭的後生仔佔大多數。負責培訓的主任話,現在的年青人集中力及專注力不足,影響了他們的考試成績。這些事我不太懂,李太則推測專業試初推出時,應考的以已有多年經驗的經紀為主,成績當然較好。新的一批不肯用功,成績自然不夠理想。 聽日又開學,點教法真係心中有數。祝各位同工工作愉快。

9 則留言:

sf 說...

(離題)

missy, 你要是說一說你貼文的操作程序就好, 因為不只一個人有同樣的問題. 不想劃花這裡或懶寫, 可電郵或通電:

sfngan@中大校友網

Lu 說...

Mis-si Lee,

不久以前意外的landed在這兒. 你生動的貼子令我更瞭解香港人的生活. Keep it up!

Thanks,
-Another Miss Lee from Seattle

華利 說...

好像在說肥就肥死佢啦,媽媽真有意思

好似麥兜個阿媽麥太。

我一向覺得,係香港搞教育的人,還有腦的家長,要多看點謝立文的作品。

MissLee 說...

LU︰有時路過能令人驚喜。多多來坐!


華利,家長的無腦有時頗令人氣餒,但我昨天剛在巴士「偷聽」到一個對教育頗有獨特見解又不是教育界中人的家長說話,總算有些合理的人!!

華利 說...

missy,我都知家陣教學生好難,仲要應付埋啲家長,真係辛苦你。

可不可以透露一下那位家長講了什麼?

還有,我也是新亞人(如果你那個 9X 係入學年份,咁我都係 9X 入學,不過唔係 journal 人)。

sf 說...

missy, 已覆電郵, 請電我. (呢句野點解讀, 你自己諗勒.)

MissLee 說...

華利︰我都想寫,待週末吧,好嗎﹖

華利 說...

missy,當然沒問題。

(你「電」返船山未?)

MissLee 說...

華利你真懂說笑。我的發電機組是手動的,很慢,要很多耐性!

實情是這幾晚要上夜學。我請教人,反而要人等,真不好意思。